Нэдиэлэтээҕи гороскоп (муус устар 29 — ыам ыйын 6 күннэрэ)

ХОЙ

Ситиһиилээх кэм. Бу нэдиэлэ устата хойдор бииргэ олорор аҥаардарын эбэтэр саҥа билсэ сылдьар доҕордорун тургутан көрүөхтэрэ. Кэпсэтинньэҥ, аһаҕас буолан, бэйэҕитин үтүө эрэ өттүттэн сыаналатыаххыт. Үп-харчы сыһыаннаһыытыгар хамаандаҕа сатаан үлэлиир дьоҕургутун сайыннараргыт наада.

ОҔУС

Ыам ыйын бастакы күннэрэ уустук соҕус буолуохтара. Бу кэмҥэ атыылаһары, улаханы былаанныыры тохтотор наада. Ити планеталар сулустары кытта сөп түбэспэт буолуулара майгыгытыгар эмиэ дьайыаҕа. Күлэ-үөрэ олорон ытыах санааҕыт кэлиэн сөп. Дьону кытта туттуна, бэйэ бодотун тардына сыһыаннаһыҥ.

ИГИРЭЛЭР

Игирэлэр бар дьоҥҥо көмөлөһөр кыах­таах буоллаххытына, туора турбаккыт ордук. Нэдиэлэ саҥатыттан бэйэмсэх майгыны киэр кыйдааҥ. Бу оҥорбут үтүөҕүт махталлаах буолуоҕа диэн этэллэр сулустар. Дьон эһиэхэ аһары ирдэбиллээх уонна кыйахана сылдьар курдук буолуохтара. Онон биричиинэни бэйэҕитигэр көрдөөмөҥ.

АРААК

Эниэргийэҕит бүппүт, эстибит курдук буо­луоххут. Онуоха айар үлэнэн үлүһүйүү, уруһуйдааһын санааҕытын уоскутуо. Саҥа билсибит дьонуҥ эн тускунан үчүгэйдик саныыллар. Саҥа билсиһии хамнастаах үлэни буларга, дуоһунаһыҥ үрдүүрүгэр көмөлөһүөн сөп.

ХАХАЙ

Хахайдар бары эйгэҕэ бэйэлэрин кыахтарын, тирэхтээхтэрин көрдөрөр кэмнэрэ. Биир сиргэ олордоххутуна, олоххутугар улахан уларыйыы буолбата чахчы. Онон таптал, олох туһугар барыы-кэлии, айан ситиһиини эрэ түстүөҕэ.

КЫЫС

Үпкэ-харчыга сыһыаннаах дьыалаҕа тох­тоон туруу кэмэ бэлиэтэнэр. Бу кэмҥэ айар-тутар көххүт суох буолан хаалбыт курдук буо­луоҕа. Муус устар бүтүүтэ кыыс бэлиэлээхтэргэ соччото суохтук дьайыан сөп. Баҕа санааҕытын санаа, эрэл күүһүнэн толоруоххутун, олоххо киллэ­риэххитин сөп.

ЫЙААҺЫН

Ыйааһын бэлиэлээхтэр харчыны сатаан тутталлар. Сөптөөх атыы-тутуу санааҕын кынаттыа. Оттон таптал сыһыаннаһыытыгар ис санааҕытыгар эрэ итэҕэйиҥ. Киһи эрэ барыта кэтэх санаалаах буолбатаҕар итэҕэйиэххит.

СКОРПИОН

Сатаан сынньанары сатыаххытын наада. Успуордунан дьарыктаныы, саҥа саҕалааһыннарга дьулуһуу – бу барыта ыам ыйын саҥата күөстүү эргийиэҕэ. Дьоҥҥо ис санааҕытыттан көмөлөһө сатааҥ. Аптарытыаккытын үрдэтэргитигэр көмөлөһүө.

ОХЧУТ

Чуумпу эрээри, олус ситиһиилээх, көхтөөх нэдиэлэ буолуоҕа. Элбэхтик үлэ­лиэҥ, барыаҥ-кэлиэҥ. Онон ыам ыйын саҥата сылайбыккын билиэҕиҥ. Санааны түһэрбэт буолуу охчуттар биир ураты хаачыстыбалара. Бу да сырыыга күүстээх санааны айар үлэ үөрүүлээх түмүгүттэн бэриһиннэриэҥ.

ЧУБУКУ

Чубукулар бу кэмҥэ дьон хараҕын далыгар сылдьаллар. Бу нэдиэлэ олус ситиһиилээх уонна тапталы түстүүр ураты кэминэн буолуоҕа. Ыам ыйын бастакы күнэ эн өйгүттэн хаһан да сүппэт кэриэ бэлиэ түгэни бэлэхтиэҕэ. Оттон кэргэннээх чубукулар бу күнү дьиэ кэргэни кытта ­атаараргыт ордук.

КҮРҮЛГЭН

Нэдиэлэ саҥата хантан да кэлбитэ биллибэт курус санаа баһыйыа. Бу муус устар бүтэһик күннэрэ сулустар хамсааһыннарыттан ­эйиэхэ итинник дьайыаҕа. Ол эрээри, ыам ыйын саҥата барыта тупсуоҕа. Күрүлгэннэр арыый сэмэй буоларгыт наада.

БАЛЫКТАР

Тапталга табыллыы күүтэр. Соҕотох ба­­лыктар соһуччу билсиһииттэн дьоллонуохтара. Таптыыр киһигит аттыгытыгар баарыттан соһуйуоххутун сөп. Бииргэ үөрэммит доҕоргутун эбэтэр кэллиэгэҕитин саҥалыы хараххытынан көрүөххүт. Улахан быһаарыныы ылынарга дьонтон сүбэлэтэр ордук.