Нэдиэлэтээҕи гороскоп: муус устар 28 — ыам ыйын 5 күннэрэ

Бөлөххө киир:

Хой
Олус сэргэх нэдиэлэ саҕаламмыт. Саҥа билсиһии, сонун тэрээһин санааҕын кынаттыа. Бу күннэргэ үчүгэй сонуну истэн үөрүөҥ.

Оҕус
Улахан ноҕуруускалаах күннэр-дьыллар турбуттар. Дьиэ кэргэниҥ да болҕомтоҕо наадыйар. Ол эрээри быыс-арыт булунаҥҥын эрдэ былааннаабыт дьыалаҕын тиһэҕэр тиэрдэргэр уолдьаспыт.

Игирэлэр
Уустук нэдиэлэ. Дабылыанньаҥ да хамсыан сөп, дьиэ-уот кыһалҕата ыган, оҕолор үөрэхтэрэ, үлэлэрэ эбии кыһалҕа буолан сүктэрииһик. Кылгас да би­­риэмэни бэйэҕэр аныы сатаа.

Араак
Дьиэ-уот үлэтиттэн салгыбыккын. Ардыгар тугуҥ да сатанан испэтиттэн кыйаханаҕын. Ол эрээри санааҕын сааһылаатаххына, барыта орун-оннугар буо­луоҕа.

Хахай
Үлэҕэр-хамнаскар эн тускунан бөрүкүтэ суоҕу кэпсэтэллэр эбит. Дьоҥҥо аһары аһаҕас буолбакка, бүөм соҕус сылдьарыҥ наада. Дьиэ кэргэҥҥэр, тус олоххор барыта этэҥҥэ.

Кыыс
Тус олоххор уларыйыылар күүтэллэр. Ити уларыйыы бэйэҕиттэн улахан тутулуктаах. Ыраах айаҥҥа сылдьан саҥа дьоннуун билсиһиэҥ.

Ыйааһын
Чуумпу соҕус нэдиэлэ үүммүт. Айар үлэнэн үлүһүйүөҥ. Нэдиэлэ бүтүүтэ чугас доҕоттору көрсөн ирэ-хоро сэлэһиэҥ.

Скорпион
Успуордунан дьарыктанаҥҥын, элбэх үгүс дьонноох тэрээһиҥҥэ сылдьан сүргэҥ көтөҕүллүө. Доҕоттору кытта көрсөн санааҥ дуоһуйуо.

Охчут
Бу күннэргэ наһаа улаханы былаан­наабакка, күннээҕинэн сылдьарыҥ ордук. Ол кэриэтин кэлэр нэдиэлэҕэ тугу гынаргын эрдэттэн болдьоон бэлэмнэ­ниэххин сөп. Өрөбүллэргэ ыраахтан аймахтарыҥ кэлэн соһутуохтарын сөп.

Чубуку
Бу күннэргэ саҥа билсиһии күүтэр. Бастакы көрсүһүү хайдах ааһарыттан инники сыһыаҥҥыт торумнаныа. Сэргэх, аһаҕас буоларга кыһан.

Күрүлгэн
Ыарахан үлэттэн сылайбыккын. Ханна эрэ ыраах барыаххын баҕараҕын. Чуумпуга талаһаҕын. Өрөбүллэргэ айылҕаҕа сылдьан сынньана сатаа.

Балыктар
Ыраах айаҥҥа барыаххын сөп. Айаныҥ ситиһиилээх буолуоҕа. Элбэх саҥа дьоннуун билсэн санааҥ көтөҕүллүө. Айыаххын-тутуоххун баҕарыаҥ.

+1
0
+1
0
+1
0
+1
0
+1
0
+1
0
+1
0