ХОЙ
Иэскэ-күүскэ киирбэт гына толкуйдаан сырыт. Ити харчыга эрэ буолбакка, дьону кытта сыһыаннаһыыга эмиэ оруоллаах. Үөрэххэр, үлэҕэр-хамнаскар болҕомтото суоххуттан сыыһа-халты тахсыан сөп. Тиэхиньикэҕэ сыһыаннаах хойдор саҥа толкуйгут сатаныан сөп.
ОҔУС
Биисинэс эйгэтигэр сыһыаннаах оҕустарга ситиһиилээх кэм. Харчыны, докумуону кытта кэпсэтиилэр үтүө түмүктэрдээх буолуохтара. Онон санаабыт санааҕын олоххо киллэрэргэ хамсанарыҥ наада.
ИГИРЭЛЭР
Сөптөөхтүк сынньаммыккын, аны үлэҕэ умса түһэр кэмиҥ кэлбит. Саҥа бырайыактары, этиилэри салалтаҕар көмүскээн хайҕаныаҥ. Саарбахтыы сылдьыбакка олоххо киллэрэргэ дьулус.
АРААК
Аймахтаргын кытта сыһыан тыҥааһыннаммыт. Олус бэйэмсэх буолуу үчүгэйгэ тиэрдибэт. Таҥнарыы аһыытын амтаһыйыаххын сөп. Итиннэ киирэн биэрбэт гына сырыт.
ХАХАЙ
Дьон эйигин олус сөбүлүүр, эн аттыгар буоларга дьулуһар. Улахан үлэ, саҥа саҕалааһыннар күүтэллэр. Урут алтыһа сылдьыбыт дьонуҥ өйөбүллэрэ наада буолуоҕа. Кимэн киирэн ис.
КЫЫС
Санааҕа ылларыаҥ. Үп-харчы тиийбэт курдук. Дьиэ-уот кыһалҕата ыгар. Саҥа толкуйуҥ ситэтэ суох курдук. Бу саарбахтыыр санаалар чугас дьонуҥ көмөлөрүнэн симэлийиэхтэрэ.
ЫЙААҺЫН
Ыраах айан, истиҥ көрсүһүү кэмэ. Аһыы утаҕынан аһары үлүһүйбэтэххинэ, чэгиэн сылдьыаҥ. Чугас дьонуҥ эн саҥа этиилэргин өйүүллэр. Уруккуттан санаабыт санааҥ ситиэн сөп.
СКОРПИОН
Туора дьон тылыттан арыт-ардыгар олус абарар эбиккин. Тулалыыр эйгэҕин барытын бэйэҥ санаабытыҥ курдук уларытар кыаҕыҥ суох. Ол кэриэтин бэйэҥ майгыгын көрүнэн, дьоҥҥо эйэҕэс буол диэн сулустар сүбэлииллэр.
ОХЧУТ
Оҕолоруҥ, кэргэниҥ бары эйигиттэн тугу эрэ ирдииллэр, күүтэллэр. Үлэҕэр эмиэ ыктарыах курдуккун. Барытын быраҕан ыраах ханна эрэ барыах санааҥ кэлэр. Бу ааһыаҕа. Чуумпутук, сэмэйдик сырыт.
ЧУБУКУ
Саҥа бырайыак ситиһиилээх буолуоҕа. Үлэттэн дуоһуйуу ылар кэмиҥ. Онон хас хардыыгын толкуйдаан, былааннаан сырыттаххына табыллыаҥ.
КҮРҮЛГЭН
Дьон тылыгар киирбэт, иирсибэт гына сэмэйдик сылдьыҥ. Эн тула хоп-сип тарҕаныан сөп. Ол иһин кимниин да аһаҕастык кэпсэппэтиҥ наада. Истиэнэ эмиэ кулгаахтаах.
БАЛЫКТАР
Доруобуйаҕар болҕомто уурарга уолдьаспыт. Уоппуска ылан сынньана да түһүөххүн сөп. Үлэттэн илистибит санааҥ киэр кыйданан, олоҕу саҥалыы көрүөҥ.
Ульяна Захарова, edersaas.ru