Хой
Инники былааннары торумнуурга табыгастаах кэм. Ким эрэ эн тускунан саныыр, туоххаһыйар эбит. Сотору кэминэн истиҥ кэпсэтии, долгутуулаах көрсүһүү тосхойуон сөп.
Оҕус
Дьыалабыай кэпсэтиигэ дьоһуннаахтык сыһыаннас. Дьон эйигин сыаналыыр. Ол эрээри аһары көнөҕүттэн дьон угаайытыгар киирэн биэриэххин сөп. Сэрэхтээх буол.
Игирэлэр
Саҥа билсиһии инники олоххун уларытыан сөп. Ити тус олоххор уонна үлэҕэр-хамнаскар барытыгар дьайыаҕа. Кирэдьиит дьыалатыгар болҕомтолоох буол. Албыннатыаххын сөп.
Араак
Дьон туһунан аһары кэтэх санаалаах эбиккин. Майгыҥ ити хаачыстыбата олоххор өрүү мэһэйдиир. Дьоҥҥо аһаҕас, кыраттан үөрүнньэҥ буоллаххына. Дьон да сыстан барыаҕа.
Хахай
Биисинэс, үп-харчы сыһыаннаһыытыгар эрэллээх доҕоттор өйөбүллэрэ көмө буолуоҕа. Бу сиргэ соҕотох буолбатаххыттан үөрүөҕүҥ. Оҕолоруҥ ситиһиилэрэ үөрдүөҕэ.
Кыыс
Саҥа үлэҕэ ыҥырыахтарын сөп. Үчүгэйдик толкуйдаан, барытын сыаналаан көрөн баран толкуйданар наада. Тус олоххор улахан уларыйыы суох.
Ыйааһын
Дьону кытта сыһыаннаһыыга болҕомтолоох буол. Дьон эйигин сөбүлүүр. Ол эрээри бары эйиэхэ үчүгэйи баҕарбаттар.
Скорпион
Айылҕаҕа сылдьыы санааҕын көтөҕүө. Кэлиҥҥи кэмҥэ аһары сылааргыыр буолбуккун. Чугас дьону, аймахтары кытта алтыһыы олоххор саҥа хайысхалары саҕыаҕа.
Охчут
Тапталга билинии, иһирэх кэпсэтии күүтэр. Эн да уһуннук соҕотохсуйдуҥ, онон сүрэххин аһаргар уолдьаспыт. Таптал кутаатыгар умайыаҥ.
Чубуку
Ким эрэ көрсүөн, билсиһиэн саныыр эбит. Аһары тоҥуй көстүүгүнэн дьону тэйитэҕин. Доруобуйаҥ этэҥҥэ. Үп-харчы сөбүгэр баар.
Күрүлгэн
Доруобуйаҕар буортулаах аһылыктартан туттунарыҥ наада. Бу нэдиэлэ устата куртаҕыҥ моһуоктуон сөп. Тус олоххор эриэ-дэхси.
Балыктар
Үлэттэн сылайбыккын, сытыаххын, сынньаныаххын баҕараҕын. Кылгас кэм иһигэр саҥа бырайыагы олоххо киллэрии күүскүн-күдэххин эһиэ. Уһун үчүгэй сынньалаҥы былааннаа.