Гороскоп

Нэдиэлэтээҕи гороскоп (КУЛУН ТУТАР 31 — МУУС УСТАР 6 КҮННЭРЭ)

 

ХОЙ
Тус бэйэҕин сайыннараргар, эбии үөрэххэ үөрэнэргэр сөптөөх кэм кэлбит. Иккис идэни ылар хаһан даҕаны мэһэйдиэ суоҕа. Туораттан көмө кэлиэн сөп. Арай оҕолоруҥ соччото суох быһыыны оҥорон хомотуохтарын, кыбыһыннарыахтарын сөп. Маны эрдэттэн туоратарга кыһан.

ОҔУС
Үп-харчы өттүгэр уустуктары көрсүбүккүн. Аймахтар кыһалҕалара эйиэхэ сүктэриллибит. Бары эйигиттэн тугу эрэ ирдииллэр, күүтэллэр. Онуоха, бастатан туран, бэйэҥ доруобу­йаҥ бастакы миэстэҕэ буоларын умнума. Киэҥ сиргэ сылдьан санааҕын үллэстэргэ, дьону кытта аһаҕастык кэпсэтэргэ кыһан.

ИГИРЭЛЭР
Эйигиттэн сылтаан аҕам саастаах киһи үлэтигэр-хамнаһыгар уустуктары көрсүө. Ити эн сатаан санааҕын тиэрдибэккэ хаал­быккыттан тахсыан эмиэ сөп. Эйигин кытта аһаҕастык кэпсэппит эрэ барыта доҕор буолбатаҕын өйдүөҥ, бу күннэргэ хобу-сиби истэр наадата суох.

АРААК
Айылҕаҕа сылдьан дуоһуйа сынньаныаххын, дьоннуун алтыһыаххын баҕараҕын. Ол эрээри ыраах айаҥҥа турунуу доруобуйаҕар охсуулаах буолуон сөп. Дьиэ өрөмүөннүүртэн, саҥаны саҕалыыртан туттун. Эйигин албынныахтарын сөп.

ХАХАЙ
Чугас киһигэр болҕомто ууруоххун наада буолбут. Кини иһигэр тута сылдьар хомолтото кэлин улаатан хаалыан сөп. Эн наһаа аһаҕас, үөрүнньэҥ буолаҥҥын дьон эйиэхэ талаһар. Таптыыр киһиҥ иһигэр күнүүлүүр эбит.

КЫЫС
Судургута суох кэм тирээбит. Доруобуйаҕар болҕомто ууран, сибиэһэй салгыҥҥа сылдьан сынньана сатаа. Онуоха чугас дьонуҥ өйөбүллэрэ эн санааҕын кынаттыыр.

ЫЙААҺЫН
Доруобуйаҕар болҕомтолоох буолуоххун наада. Аскын, эрэсиимҥин этэҥҥэ тутустаххына, этэҥҥэ буолуоҕа. Чугас дьонуҥ эйигиттэн наһаа элбэҕи ирдииллэр. Сылайбыккын успуордунан дьарыктанан таһаарыаххын сөп.

СКОРПИОН
Саҥа дьыаланы саҕалыаххын сөп. Дьиэ өрөмүөнэ, миэбэл атыылаһыы эбэтэр ыраах айан. Хайата да ситиһиилээх буолуоҕа.

ОХЧУТ
Ыгылыйбыт санааҕын киэр кыйдаа. Тулаҕар буолар быһыыга-майгыга аһаҕастык сырыт. Дьон эйигин сыаналыыр. Нэдиэлэ ортото үчүгэй сонуну истиэҥ. Саамай табыллыбыт күннэргин туһанан дьоҥҥо-сэргэҕэ биллэн-көстөн үрдүк сыанабылы ылыаҥ.

ЧУБУКУ
Бэйэҕэр күүстээх ирдэбили туруордаххына, элбэҕи ситиһиэҥ. Саҥа дьыаланы саҕалыаххын сөп. Успуорт, саҥа мал-сал са­­нааҕын эрэ көтөҕүө. Сайдар суолу тобул.

КҮРҮЛГЭН
Дьиэ-уот хомунарга, өрөмүөн оҥосторго сөп буолбут. Наһаа ыһыллыбыккын. Өйгүн-санааҕын сааһылаа, дьиэ кэргэҥҥэр, чугас дьоҥҥор санааҕын этэ үөрэн. Бу күннэргэ саҥа толкуйуҥ ситиһиини аҕалыа.

БАЛЫКТАР
Үчүгэй сонунтан санааҥ көтөҕүллүө. Бу үбү-харчыны кытта сибээстээх саҥа дьыалаҕа ылыстаххына, элбэҕи ситиһиэҥ. Харса суох хамсанан ис.

 

1
0
Telegram @edersaas20