ХОЙ
Атыыга-тутууга сыһыаннаах хойдорго үтүө кэм үүммүт. Харчыгытын ааҕынан-суоттанан сырыттаххытына, уруккуттан былааннаабыт малгытын атыылаһыаххыт. Дьиэ кэргэҥҥитигэр барыта этэҥҥэ, нэдиэлэ устата улахан уларыйыы суох.
ОҔУС
Былааннаммыт дьыалаҕыт-куолугут ситиһиинэн тосхойууһук. Дьоҥҥо оҥорор үтүө дьыалаҕыт махталлаах буолсу. Дьону кытта уопсай тылы булар, кинилэри өйдүүр үтүө хаачыстыбаҕыт эһиэхэ тус олоххутугар да, үлэҕитигэр да өрүү көмөлөһөр.
ИГИРЭЛЭР
Уустук, тыҥааһыннаах нэдиэлэ үүммүт. Ол эрээри киэҥ көҕүстэнэн, буолар быһыыга-майгыга холкутук сыһыаннастахха, барыта кыаллар дьыала. Оҕолор ситиһиилэринэн үөрдүөхтэрэ, ыраах айаҥҥа турунуу саҥа билсиһиилэри тосхойуо.
АРААК
Дьон тылыгар киирэн биэрбэт гына сылдьыҥ диэн сулустар сүбэлииллэр. Бэйэ ситиһиитинэн аһары бэрдимсийэр соччото суох. Саҥа былааннары бакаа тохтотон эр, тулаҕар буолар быһыыны-майгыны туораттан кэтэн көрүөххүн сөп.
ХАХАЙ
Үлэҕэр-хамнаскар барыта этэҥҥэ курдук. Кыра кыыһырсыы, тыл-тылга киирсибэт буолуу ханна баҕарар баар. Онон арыый холкутуур, кэҥиир сахалыы майгыҥ манна көмөлөһүөн сөп.
КЫЫС
Үлэ, дьиэ кыһалҕата үтүрүйэр. Кыраттан кыыһыран кыйыттаҕын. Туох барыта харчыга кэлэн иҥнэр. Санааҕын сааһылыырга үөрэн. Санааҕын тиһэр туспа тэтэрээккэ былааннаргын чопчу суруйан үлэҕин эмиэ сааһылаа. Кэнники кэмҥэ ыһыллыбыт курдуккун.
ЫЙААҺЫН
Иэскэ-күүскэ киирбэт гына үпкүн-харчыгын былааннан, суоттан. Урбаан эйгэтигэр сыһыаннаах ыйааһыннар табыллыахтара, ол эрээри ситэри билбэт дьоҥҥутугар итэҕэйимэҥ, албынныахтарын сөп.
СКОРПИОН
Үүнэр нэдиэлэ үгүс үөрүүлээх, кэлиилээх-барыылаах буолсу. Ол эрээри аһары бэйэҕит эрэ санааҕытын өрө тутан, мин эрэ сөпкө этэбин диэн салайтаран сырыттаххытына, сотору кэминэн отоойкоҕо олоруоххутун сөп. Онон чуумпутук сылдьар ордук.
ОХЧУТ
Күргүөмнээх үлэ, отчуот, докумуон үлэтэ үгүс буолсу. Ол эрээри быыс булан сынньанар усулуобуйаны бэйэҕитигэр бэйэҕит тэринэ сатааҥ. Чугас доҕоттору кытта көрсүһүү дуоһуйууну аҕалыаҕа.
ЧУБУКУ
Биир кэлим устар олохтон ардыгар хал буолаҕыт. Ол эрээри ону уларытарга улахан хамсаныыны оҥорбоккут. Быһаарыныы ылынарга тоҕоостоох нэдиэлэ.
КҮРҮЛГЭН
Ситиһиилээх эрээри икки өрүттээх нэдиэлэ үүммүт. Барыта бэйэҕититтэн тутулуктаах. Үлэни, дьиэни дьүөрэлээн сөптөөхтүк салайыныҥ.
БАЛЫКТАР
Урукку өттүгэр дьоҥҥо үтүөнү оҥорбуккут аны бэйэҕитигэр төннүөн сөп. Эн кыһалҕалаах кэмҥэр эйиэхэ көмөлөһүөхтэрэ, өйүөхтэрэ. Нэдиэлэ холкутук ааһыаҕа. Саҥа саҕалааһыҥҥа үтүө кэм.