Хой
Саас салаллыыта тус олоххор үтүө эрэ өттүнэн дьайыыһык. Сырдыкка, үтүөҕэ талаһыыҥ үксүүһүк. Бу күннэргэ чугас дьонуҥ үтүө сонуну кэпсээн үөрдүөхтэрэ. Докумуону кытта сыһыаннаһыыга нэдиэлэ ортото болҕомтолоох буолуоххун наада.
Оҕус
Дьиэ ис-тас үлэтигэр сөптөөх кэм. Оҕуруот олордуута, оҕолор түбүктэрэ барыта тэҥҥэ дьайан доруобуйаҕар охсуон сөп. Ол иһин хара үлэни билэн-көрөн үлэлиириҥ ордук. Ол кэриэтин элбэхтэ салгыҥҥа сылдьан сынньана сатаа. Уһун кыһыннаах сылааҥ дьэ киирэн кыратык сүрэҕэлдьиэх, сытан да ылыах санаа баһыйар буолбут, бэйэҕин харыстан.
Игирэлэр
Олоххор саҥа түһүмэх үүммүт. Бу түһүмэх салгыы сайдаргар, талааҥҥын арыйаргар үктэл буолуоҕа. Онон саҥа этии киирдэҕинэ, уһуннук толкуйдаабакка сып-сап хамсанан иһэриҥ наада. Тус олоххор эриэ-дэхси.
Араак
Аҕам саастаах аймахтарыҥ эйиэхэ хомойо саныыллар эбит. Урукку өттүгэр хомоппут эбэтэр көрдөһүүлэрин аахайбатаҕыҥ өр кэм устата суобаскар оонньуоҕа. Онон итини туоратарга кыһан. Бэйэ эрэ иннин көрүнэр киһиттэн дьон тэйэ туттарын умнума.
Хахай
Элбэх дьонноох-сэргэлээх сиртэн арыый тэйиччи туттан, арыый бүгэр, сынньанар кэм үүммүт. Айылҕалыын алтыһыы, дьиэ кэргэни кытта сынньаныы дорубуйаҕар үтүө өттүнэн дьайыаҕа. Үлэҕэр-хамнаскар уустук кэми аһарынан эрэҕин. Дьон санаатын өйдүүргэ дьулус.
Кыыс
Санааҕын кыраттан түһэрэр эбиккин. Чугас дьонуҥ эн тускар кыһаналлар, өйүүргэ бэлэмнэр. Бэйэ бодотун тардынан, сэмэйдик сылдьар кэм. Баҕа санааларыҥ кэмигэр туолуохтара диэн сулустар кэпсииллэр.
Ыйааһын
Саҥа толкуйуҥ ситиһиилээх буолуоҕа. Харса суох хамсанарга, саҥаны саҕалыырга күүстэ-уохта ылын. Чугас дьонуҥ ситиһиилэринэн үөрдүөхтэрэ. Саҥа, уһун болдьохтоох бырайыакка ылсыма. Бастаан саҕалаабыт дьыалаҕын тиһэҕэр тиэрдэриҥ ордук.
Скорпион
Тууйуллубут санааҕын чугас дьоҥҥун кытта аһаҕастык кэпсэтэ үөрэн. Эн ис санааҕын сатаан аһаҕастык кэпсээбэккэ эрэйдэнэр эбиккин. Бу күннэргэ түһээбит түүллэриҥ иччилээх буолуохтара. Тус олоххор улахан уларыйыы суох.
Охчут
Эн тускунан соччото суох хоп-сип тарҕаныан сөп. Эйиэхэ ордук санааччы элбэх эбит. Урукку, хойукку доҕоттор күөрэс гыныахтара. Көмөлөһөргө да бэлэмнэр баар буолуохтара. Онон олох салҕанар диэн санаалаах сылдьарыҥ көнө.
Чубуку
Сөптөөхтүк сынньаммыккын. Онон саҥалыы күүһүнэн үлэҕэ оройгунан түһүүһүккүн. Саҥа мал-сал атыылаһан эбэтэр дьиэ өрөмүөннээн санааҥ көтөҕүллүө. Дьиэ кэргэҥҥэр кыра да кыһалҕаны уустугурдар буолбуккун. Ити туох үчүгэйгэ тиэрдиэй, арай санаа аалыыта оҥостон бэйэҥ эрэйдэнэҕин.
Күрүлгэн
Үп-харчы оҥорон дьиэ бүддьүөтүн бөҕөргөтөргө олус тоҕоостоох кэм. Эбии харчылаһар саҥа хайысхалар көстүөхтэрин сөп. Онон толкуйдуу олорбокко киирбит этиилэри ылынар ордук.
Балыктар
Ким эрэ эйигин саныыр, онтон туоххаһыйар эбит. Арай эн үлэҕэр аһары үлүһүйэн олоххо туох буола турарын аахайбаккын. Дьиҥэ, истиҥ сыһыан суоҕуттан ардыгар соҕотохсуйаргын чопчу өйдүүгүн. Ол эрээри ону уларытарга тугу даҕаны гыммаккын. Сытар таас аннынан уу сүүрүгүрбэт.