Гороскоп

Нэдиэлэтээҕи гороскоп (кулун тутар 18 — кулун тутар 25 күннэрэ)



Хой

Уоппуска ылан сынньана түһүөххүн наада буолбут. Оҕолоруҥ туспа санаалаах, туспа эйгэлээх буолбуттар. Куруук кыра оҕолор курдук бүөбэйдии үөрэммитиҥ сыһыаҥҥытын уустугурдуон сөп. Массыына ыытар хойдор айаҥҥа сэрэхтээх буолуҥ.

 

Оҕус

Элбэх дьонноох сиргэ сылдьыбакка, бүөм соҕустук чугас дьоҥҥун кытта айылҕаҕа сылдьыаххын сөп. Саас кэлбит сибикитэ номнуо биллэн эрэ. Барыах-кэлиэх санаа тулуппат буолбут.

 

Игирэлэр

Нэһилиэстибэҕэ сыһыаннаах докумуон дьыалатыгар ситиһии күүтэр. Ол эрээри туоххун барытын ыһа-тоҕо кэп­­сээмэ. Дьон эйигин туораттан кэтээн көрөр, сылыктыыр эбит.

 

Араак

Суолга турунуоххун сөп. Ол айаныҥ олус кэрэхсэбиллээх буолуоҕа. Саҥа дьону кытта билсиһииҥ санааҕын кынаттыа. Дьиэ иһинээҕилэр эйиэхэ эрэнэллэр. Ылсыбыт дьыалаҥ үбү эрэйэр, онон санааҕын сааһылан.

 

Хахай

Дьону кытта сыһыаннаһыыга арыый туттунарыҥ наада. Эйигин наһаа ыгым, ыксаллаах курдук дьон ылыныытын арыый уларытарга дьулус.

 

Кыыс

Үпкэ-харчыга сыһыаннаах дьыалаларга сэрэнэ соҕус сыһыаннас. Докумуон, илии баттаһыы улахан эппиэтинэһи эрэйэр. Улахан малы-салы атыылаһартан туттунарыҥ ордук.

 

Ыйааһын

Саҥа сибээс, билсии олохтуурга то­­ҕоостоох кэм. Дьоҥҥо аһаҕас майгыгынан сөбүлэтэҕин. Онон саҥа дьыаланы тэринэргэр бу билсиилэриҥ туһалыахтарын сөп.

 

Скорпион

Кистэлэҥ баҕа санааҕын толороргор олус да кыра хаалан турар. Дьиэҕэ сөптөөх мал-сал атыылаһан астыныаҥ. Ыалдьыттар кэлэн үөрдүөхтэрэ. Ол эрээри нэдиэлэ бүтүүтэ сылайбыккын билиэҕиҥ, чуумпуга талаһыаҥ.

 

Охчут

Өрөмүөн үлэтэ эбэтэр атын эбии до­­хуот булунар кыах үөскүөҕэ. Онон киирбит этиилэри ырыҥалаан көрөн баран ылсарыҥ ордук. Санааҕын сааһылаатаххына, табыллыыһык.

 

Чубуку

Докумуон үлэтигэр эппиэтинэстээх үлэ күүтэр. Салалтаны кытта уопсай тылы булар уустугуруон сөп. Тус олоххор саҥа билсиһии, долгутуулаах түгэн тосхойуон сөп. Дьиэҕэ бүгэн олорума.

 

Күрүлгэн

Чугас киһигин кытта өйдөспөт быһыы-майгы тахсыан сөп. Ити сотору кэминэн ааһыа, ол эрээри өр кэм устата сүрэххэр сөҥөн сылдьыан сөп, оннук ­буолбатын туһугар ордук-хос саҥарбат ордук.

 

Балыктар

Тус олоххунан олорор кэмиҥ тирээн кэлбит. Эн наар туора дьон, оҕолоруҥ, аймахтарыҥ кыһалҕаларын өрө тутаҕын. Бу сырыыга нэдиэлэ устата бэйэҥ доруобуйаҕын көрүнэн сынньан.

 

Ульяна Захарова, edersaas.ru

1
0

Санааҕын суруй