Хой
Харчыга сыһыаннаах дьыалаҕа уһуну-киэҥи ырыҥалаан ылсаргыт ордук. Билигин саҥаны, сонуну киллэрэргэ, улахан малы-салы атыылаһарга соччото суох кэм. Куру ыга баанан инники сыалга-сорукка харчы мунньунуохха сөп диэн сулустар сүбэлииллэр.
Оҕус
Бэйэ биисинэстээх оҕустарга табыгастаах кэм үүммүт. Бу ыйга үп-харчы сөбүгэр баар. Ол эрээри биисинэс хайысхатын уларытыы, саҥаны киллэрии туһаны эрэ аҕалыа. Тус олоххо чуумпу кэм. Доруобуйаҕар буортулаах аһылыгынан үлүһүйүмэ.
Игирэлэр
Саас бастакы ыйа ситиһиилээх буолсу. Бары кыһалҕаны холкутук быһаарар кыахтааххын. Саҥа идиэйэлэр, баҕа санаалар үөскүөхтэрэ. Соһуччу көрсүһүүлэр үөрүүнү аҕалыахтара. Ис туругуҥ барытын чугастык ылынар, онон олоххо үчүгэй эрэ өрүтү көрө сатаа.
Араак
Ый ортото үгүс кыһалҕалаах боппуруоһу быһаарыаххын сөп. Түмүгэ эн тус майгыгыттан, төһө тулуурдааххыттан уонна дьулуурдааххыттан көстүөҕэ. Ый ортото үлэҕэр уустук кэм үөскүөн сөп. Дьону кытта сыһыаннаһыыга болҕомтолоох буол.
Хахай
Олус туһалаах, үгүс ситиһиилээх кэм үүммүт. Хаһан даҕаны сэниэлэммэтэххин сэниэлэниэҥ. Барытын кыайарга-хоторго, саҥаттан саҕалыырга бэлэмҥин. Эн ис туругун дьону угуйар, сорохтору күүрдэр. Урут уустугурда сылдьыбыт дьыалаҕын тиһэҕэр тиэрдэргэр табыгастаах кэм.
Кыыс
Аһары көхтөөх олохтон сылайбыккын. Сытан сынньана түһүөххүн, олох туһунан толкуйдуоххун баҕараҕын. Чугас дьонуҥ көмөлөрүнэн кулун тутар ыйга үлэҕэр-хамнаскар ситиһиилээх кэм үүнүүһүк. Ол эрээри аһары чуҥкуйар кыыс бэлиэлээхтэр маннык олохтон куотаргыт наада. Бу ыйга сулустар ситиһиини түстүүллэр. Онон саҥа былааннары куттаммакка оҥостон, сыал-сорук туруорунан инниҥ диэки хардыылаа.
Ыйааһын
Бу күннэр ыйааһыннарга үтүөнү эрэ түстүүллэр. Ол эрээри эн санааҕын түһэрэр, үөрүүгүн үллэстибэт доҕоттору, дьону кытта арахсарга уолдьаспыт. Бу ыйга санааны сааһылыырга, туһата суох малтан-салтан ыраастанарга тоҕоостоох. Дьиэҕэ-уокка туттуллар тиэхиньикэни кытта үлэҕэ сэрэхтээх буолуҥ.
Скорпион
Урукку доҕоттору кытта көрсүһүү санааҕын кынаттыа. Кыттыгас саҥа бырайыактары толкуйдаан, бэйэҕэр эрэлиҥ улаатыа. Үлэ эйгэтигэр киирдэххэ, эргэ дьыаланы-куолуну бүтэрэн-оһорон баран биирдэ саҥа дьыалаҕа ылсар туһаныа аҕалыа.
Охчут
Төһө да уустугун иһин, охчут бэлиэлээхтэр күүстээх санаалаах буолан, үгүс кыһалҕаны начаас быһаараллар.
Ый ортото дьиэ кэргэни кытта алтыһыы, аймахтарга ыалдьыттааһын үтүөнү үксэтиэ. Үлэттэн сынньана таарыйа ыраах айаҥҥа турунуоххун сөп.
Чубуку
Бу күннэргэ үгүс дьыала, ситиһии күүтэр. Итини ситэргэ өй-санаа, кут-сүр өттүнэн бөҕөх буолуоххун наада. Туруоруммут сыалы-соругу ситиһэргэ бэйэни сааһыланыы, бэрээдэктэнии көмөлөһүөҕэ. Ый иккис аҥаарыгар санаа түһүүтүгэр түһүөххүн сөп. Интэриэһинэй дьарык, истиҥ көрсүһүү бу курус санааттан босхолонорго көмөлөһүө.
Күрүлгэн
Барытын аһары чугастык ылынаҕын. Кыраттан хомойоҕун. Эйигин тулалыыр дьону сиидэлииргэ сөп буолбут. Аттыгар санааҕын баттыыр, ыгар, күүрдэр дьон баар. Кинилэри тус олоххуттан тэйиттэххинэ, алтыспат буоллаххына, барыта орун оннугар буолуоҕа.
Балыктар
Кулун тутар эн ыйыҥ. Онон бары дьыалаҕа-куолуга ууга устар курдук хорсуннук хамсаннаххына, элбэҕи ситиһиэҥ. Онуоха чугас дьон өйөбүлэ баара санааҕын күүһүрдэр. Ылыммыт улахан быһаарыыҥ инники олоҕун суолун торумнуо.