Гороскоп

Нэдиэлэтээҕи гороскоп (кулун тутар 11 — кулун тутар 18 күннэрэ)



Хой

Үлэҕэр-хамнаскар саҥа этиилэр киириэхтэрэ. Ким да сүбэтин ылымматыҥ ордук. Барытын бэйэҥ сыта-тура толкуйдаан баран быһаарыныы ылынарыҥ ордук. Саҥа олоҕу саҕалыыргар тоҕоостоох буолуо.

 

Оҕус

Бу күннэргэ санааҥ көтөҕүллэ сылдьар. Ылсыбыт дьыалаҥ ситиһиилэниэ. Чугас аймахтаргын кытта биисинэс эйгэтигэр өйөһүөххүтүн сөп.

 

Игирэлэр

Дьон саҥатын-иҥэтин аһары чугастык ылынаҕын. Онуоха ардыгар сүбэлиир-амалыыр киһи суоҕа дьыалаҕын атахтыыр. Доруобуйаҕын көрүнэ сырыт, сибиэһэй салгыҥҥа сылдьа сатаа.

 

Араак

Ыраах айаҥҥа турунуу, саҥа быра­йыак ситиһиини түстүүр. Чугас киһигин кытта бииргэ сылдьааһын сыһыаҥҥытын өссө тупсарыа. Дьиэ кыһалҕатыгар үтүрүйтэрбэккэ иннин диэки баран ис.

 

Хахай

Оҕолоргор болҕомто ууруоххун наада буолбут. Эйигиттэн тугу эрэ кис­тиир курдуктар. Аһаҕастык кэпсэтэн кыһалҕаларын быһаарарга көмөлөөх буолуоҥ.

 

Кыыс

Саҥа мал-сал эбэтэр дьиэ, массыына атыылаһыаххын сөп. Мантан са­­нааҥ көнньүөрүө. Докумуон оҥорсууга болҕомтолоох буол.

 

Ыйааһын

Ыраах айаҥҥа турунуу табыллыаҕа. Уруккуттан ыра санаа оҥостубут са­­нааҕын толоруоххун сөп. Айылҕалыын алтыһан санаалыын кэҥиэҕиҥ.

 

Скорпион

Айар талаанын арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа.

 

Охчут

Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.

 

Чубуку

Дьону кытта сыһыаннаһыыга арыый туттуна соҕус сырт. Эн көнө майгыгын туһана сатааччы онто суох элбэх. Ис кыаххын сатаан туһаммакка ардыгар муунтуйаҕын.

 

Күрүлгэн

Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар.

 

Балыктар

Саҥа мал атыылаһыаҥ. Үгүс доҕоттор, дьүөгэлэр онно-манна кучуйуохтара. Онно киирэн биэрбэт гына сырыт. Аһыы утаҕы иһэн сыыһа-халты ону-маны саҥарыаххын сөп.

 

Ульяна Захарова, edersaas.ru

1
0

Добавить комментарий