Гороскоп

Нэдиэлэтээҕи гороскоп (кулун тутар 10-17 күннэрэ)

ХОЙ

Дьону кытта сатаспаккын. Тус бэйэҥ са­­нааҕын наһаа өрө тутар эбиккин. Арыый бэйэ бодотун тардына соҕус сырыттаххына, дьон да сыһыана уларыйыаҕа. Соҕотох хойдорго саҥа билсиһии баар. Түгэни мүччү туппат туһуттан арыый кэпсэтинньэҥ буолар наада.

ОҔУС

Тиэхиньикэҕэ сыһыаннаах оҕустар бу нэ­­диэлэ устата массыынаҕытын оҥостуоххутун сөп. Тимир көлөҕүтүн үчүгэйдик көрүммэтэххитинэ, кэлин эбии ночоокко кии­­риэххитин сөп. Айылҕаҕа сылдьан сынньаныаххын, сибиэһэй салгынынан тыынан доруобуйаҕын бөҕөргөтүөххүн сөп.

ИГИРЭЛЭР

Олоҕу уустурдубакка сып-сап хамсанар үтүө өрүтүҥ бу да сырыыга көмөлөөх буолуоҕа. Дьон эйиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕын тупсарыаҕа.

АРААК

Дьиэ туттарга, өрөмүөн ыытарга тоҕоос­тоох кэм. Санаабыккыт сатанар. Ол эрээри харчыгытын арыый кэмчилээн туттарыҥ наада. Аҕам саастаах аймахтарга эн көмөҥ наада буолбут.

ХАХАЙ

Сылайбыккын. Эн тула үгүс киһи үмүөрүһэр. Айылҕаҕа тахсан сынньаныаххын, чуумпуга сылдьыаххын баҕараҕын. Күннээҕи кыһалҕаттан үтүрүйтэрэн санаабыт са­­нааҕын олоххо киллэрэн испэккиттэн санааҥ түһэр. Ол эрээри бу быстах кэмнээҕи уустуктар сотору ааһыахтара.

КЫЫС

Доруобуйаҕар болҕомтолоох буол. Санааны түһэрбэккэ саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар.

ЫЙААҺЫН

Дьиэҕэ олорууттан, күннээҕи кыһалҕаҕа үтүрүйтэрэн айар дууһалаах ыйааһыннар муунтуйаллар. Чугас дьоҥҥут өйөбүллэрин билбэт курдуккун. Ол эрээри, сотору кэминэн үчүгэй сонуну истэн үөрүөҥ.

СКОРПИОН

Дьиэ ис-тас үлэтэ күүтэн турбат. Эн наһаа бытааннык барытын быһаараргытыттан чугас дьонуҥ эмсэҕэлииллэр. Саҥа билсиһии үп-харчы өттүгэр ситиһиини аҕалыаҕа.

ОХЧУТ

Уустук кэм. Дьону кытта тыл-тылга киирсимиэххин сөп. Арыый бэйэни туттуна, көрүнэ сырыт. Харчыга да ыктарбыккын. Барытын быраҕан ыраах ханна эрэ барыах санааҥ кэлэр. Бу быстах уустук кэм.

ЧУБУКУ

Дьон санаатын табар уустук. санааҕар бары эйигиттэн бары тугу эрэ ирдииллэр. Ол эрээри ити барыта эн төбөҥ иһигэр баар кыһалҕа буолар. Дьоҥҥо аһаҕас, үөрүнньэҥ буоллаххына, утары оннук харданы тутуоҥ.

КҮРҮЛГЭН

Ыраах айаҥҥа турунартан туттунарыҥ наада. Дьаҥ-дьаһах буулуон сөп. Ол кэ­­риэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.

БАЛЫКТАР

Ньиргиэрдээх үлэ. Түбүктээх күннэр үүммүттэр. Таһырдьаттан киириэххин баҕарбаккын, бу хамсаныы доруобуйаҕар үчүгэйдик дьайыаҕа. Дьону кытта алтыһан сэргэхсийиэҥ, сааскы тыыны билиэҥ.

0
0
Telegram @edersaas20