Гороскоп

Нэдиэлэтээҕи гороскоп (бэс ыйын 9 — бэс ыйын 16 күннэрэ)

Хой
Дьыалабыай өттүгэр урукку алҕастарыҥ күүппэтэх өттүгүттэн соһуччу күөрэйэн тахсыахтарын сөп. Докумуону толорууга, кирэдьиит дьыалатыгар болҕомтолоох буоларыҥ наада. Тыл-тылга киирсибэккэ, дьону кытта иирсэн туруоххун сөп.

Оҕус
Барыстаах этии киирииһик. Өр кэтэмэҕэйдии сылдьыбакка, сып-сап хамсанарыҥ ордук. Бу нэдиэлэ устата харчыны кытта сыһыаҥҥа сэрэхтээх буол.

Игирэлэр
Үлэҕин уларытарыҥ эбэтэр саҥа дьыаланы тэринэриҥ барыта бэйэҕиттэн тутулуктаах. Үчүгэйдик сыһыаннаһар киһи барыта доҕор-атас буолбатах. Ис санааҥ кис­тэлин ыһа-тоҕо кэпсээмэ. Саҥа толкуйуҥ ситиһии­лээх буолуо.

Араак
Бириэмэҕитин сөпкө аттарынан үлэлээтэххитинэ, үп-харчы киириитэ тупсуоҕа. Тиэхиньикэҕэ сыһыаннаах араактарга саҥа этиилэр киириэхтэрин сөп. Үлэҕинэн үрдүүргэр табыгастаах кэмнэр.

Хахай
Салалтаны кытта тыҥааһыннаах сыһыан сотору кэминэн тупсуоҕа. Дьону кытта уопсай тылы булар судургу майгыҥ көмөлөһүө. Дьиэ кэргэниҥ өйүүрүттэн санааҥ көтөҕүллүө.

Кыыс
Доруобуйаҕын бөҕөргөтөн битэмииннээх аһылыгы аһаан, сибиэһэй салгыҥҥа сылдьан чэбдигириэххин наада. Успуордунан дьарыктанарга, бэйэҕэ бириэмэ аныырга уолдьаспыт.

Ыйааһын
Айар үлэҥ сайдар, саҥа ситиһиилэр үөр­дэллэр. Үп-харчы киирэриттэн санааҥ көтөҕүллэр. Анааран толкуйдуур дьоҕургун сайыннар.

Скорпион
Күүстээх үлэттэн сылайбыккын. Ыраах сынньана барар туһунан толкуйуҥ табыллыан сөп. Санааҕын искэр тута сылдьыбакка, аһаҕастык этэ үөрэн.

Охчут
Элбэх үөрүүлээх тэрээһин күүтэр. Билэр дьоҥҥун көрсөн сэргэхсийиэҥ. Саҥа этии­лэр, дуоһунас туһунан санаалар толкуйга түһэриэхтэрэ. Ким да сүбэтин истибэккэ, бэйэҥ санааҕынан салайтар.

Чубуку
Күннээҕи үлэттэн-хамнастан сылайбыккын. Доҕотторгун, чугас дьоҥҥун кытары сибиэһэй салгыҥҥа сылдьан дьаарба­йыаххын сөп. Успуордунан дьарыктаныы ситиһиилээх буолуоҕа.

Күрүлгэн
Дьыалаҕар-куолугар табыллар кэм. Саҥа саҕалааһын, толкуй ситиһиилээх буолуоҕа. Оҕолоргут санааларын истэргэ кыһаллыҥ. Болҕомтону ирдиэхтэрэ.

Балыктар
Уруккуну-хойуккуну санааҥ мунчаарыаҥ. Тугу эрэ сыыһа оҥорбуппун дии саныыр буоллаххына, кэмсинэр наадата суох. Олоҕуҥ суола сөпкө сиэтэн иһэр.

 

edersaas.ru

1
0
Telegram @edersaas20