Маны аах Эдэр саас

НЭДИЭЛЭТЭЭҔИ ГОРОСКОП (БЭС ЫЙЫН 30 — ОТ ЫЙЫН 7 КҮННЭРЭ)

Хой
Бу күннэргэ тиэхиньикэттэн сэрэхтээх буоларыҥ наада. Өскөтүн массыынаҥ эбэтэр дьиэ иһинээҕи тэрилиҥ алдьаммыт буол­лаҕына, өҥөнү оҥорор дьону ыҥыран оҥотороруҥ ордук.

Оҕус
Урукку доҕотторгун көрсөн үөрүөҥ-көтүөҥ. Бырааһынньыкка ыҥырылыннаххына, аскын-үөлгүн көрүнэриҥ наада. Онтон атын барыта этэҥҥэ.

Игирэлэр
Эйигиттэн сылтаан дьон иирсиэн сөп. Онон тылгын-өскүн көрүнэ сырыт. Хобу-сиби тарҕатар бэйэҕэр куһаҕаннык дьайыан сөп. Уһуннук сыралаһан санаабыт санаа­ҕын нэдиэлэ ортото дьэ, ситиэххин сөп.

Араак
Итэҕэйимтиэ буолаҥҥын дьону үгүстэрин судургутук ылынаҕын. Ол эрээри дьон эйигинниин арыт ардыгар аҥардас кыһалҕатын эрэ быһаарар туһуттан эмиэ алтыһыан сөбүн өйдүөххүн наада. Дьону кытта көрөн сыһыаннас.

Хахай
Өр күүппүт сынньалаҥыҥ дьэ үүммүт. Үчүгэйдик толкуйдаан баран дьэ, чугас дьоҥҥун кытта ыраах айаҥҥа турунуоххун сөп. Хайаан да тас дойдуга да буолбатар, кэрэ айылҕаҕа да сылдьыы санааҕын көтөҕүө.

Кыыс
Түбүктээх нэдиэлэ күүтэр. Ол эрээри тус сыалгын ситиһэргэр, саҥа саҕалааһыннары оҥороргор тоҕоостоох түгэннэр тосхойуохтара. Эн тула хоп-сип баар. Онуоха болҕомто уурбат буола сатаа.

Ыйааһын
Айылҕаҕа сылдьыы, доҕоттордуун көрсүһүү санааҕын кынаттыа. Ол эрээри аһары аһыллан ис санааҥ кистэлин кэпсээбэтиҥ ордук. Дьон эрэ барыта судургу, көнө майгылаах буолбатах.

Скорпион
Талааҥҥын арыйаргар тоҕоостоох кэм буолбут. Уруһуйдуоххун, айыаххын баҕарар буоллаххына, ситиһиилэниэҥ. Дьону кытта сыһыаннаһыыга арыый туттунарыҥ наада.

Охчут
Наһаа кыраттан ыгымсыйар буолбуккун. Ити барыта үп-харчы тиийбэтиттэн, дьиэтээҕи кыһалҕа кыһарыйарыттан тахсар эбит. Кыратык тулуйа түс. Барыта сотору этэҥҥэ буолуоҕа.

Чубуку
Уһата-кэҥэтэ сылдьыбыт урукку дьыалаларгын түмүктүүр кэмиҥ тирээн кэлбит. Элбэх дьоҥҥо эрэннэрбит тылгын толоруоххун наада. Онон түбүктээх нэдиэлэ буолсу.

Күрүлгэн
Санааҕа ылларыаҥ. Арай аттыгар санааҕын үллэстэр чугас киһиҥ суоҕуттан соҕотохсуйбут курдук сананыаҥ. Ол эрээри бу соҕотохсуйуу санааҕын сааһыланаргар наадатын кэлин өйдүөҥ.

Балыктар
Ыраах баар чугас киһиҥ эйигин наһаа суохтуур, ахтар эбит. Арай эн ону олох аахайбакка сылдьаҕын. Күннээҕи үлэҕэ-хамнаска үтүрүйтэрэн тугу эрэ куоттаран эрэҕин.

2
1
Telegram @edersaas20