Нэдиэлэтээҕи гороскоп (бэс ыйын 3-10 күннэрэ)

Бөлөххө киир:

Хой

Бэс ыйын саҥата ыксыыр наадата суох. Дьыала-куолу, оҕуруот үлэтэ-хамнаһа ситэр кэмигэр ситиэҕэ. Кэмиттэн кэмигэр сылааргыыгыт. Доруобуйаны, быһыыны-та­­һааны тупсарарга, көрүнэргэ сөптөөх кэм.

Оҕус

Ый саҕаланыыта саҥа билсиһиини эрэннэрэр. Саҥа билии, ыраах айан туһалаах буолуоҕа. Сып-сап хамсаныы үлэҕитигэр ситиһиини аҕалыа. Болҕомтолоох буолуу ирдэнэр.

Игирэлэр

Бэс ыйа ситиһиилээх, үгүс үөрүүлээх ый. Дьиэ-уот кыһалҕата иккис бы­­лааҥҥа хаалыыһык. Тас дойдуга сынньана барыаххын сөп. Суумкаҕын, харчыгын бэйэҕиттэн араарыма. Нэдиэлэ бүтүүтэ сүтүктэниэххин сөп.

Араак

Настарыанньан кыраттан түһэр. Сытыаххын эрэ баҕараҕын.  Ол эрээри доҕотторуҥ, чугас дьонуҥ аттыгар баалларын билиэҥ. Билбэт аскын мээнэ аһаабатыҥ ордук. Нэдиэлэ ортото куртаҕыҥ мөлтүөн сөп.

Хахай

Саҥа ыйы саҥа былааннардаах көрсөҕүн. Ол эрээри былааннаммыт эрэ барыта кэмигэр туола охсубат. Мантан санааны түһэрбэккэ, былааны арыый уларытан да биэриэххин сөп. Ыраах айантан туттунар ордук.

Кыыс

Туох баар болҕомтоҕут барыта бэйэни сайыннарыыга анаммыт. Бу саҥа саҕалааһын тулууру уонна сүрэхтээх буолууну эрэйэр. Эниэргийэҕит элбэҕэ сырдыкка сирдиир. Билии ылар, таһымы үрдэтэр баҕаҕыт баһаам.

Ыйааһын

Ый саҥата сэргэх көрсүһүү, билсиһии. Соҕотохсуйууга наадыйыаххыт. Ол эрээри эһиги тула үмүөрүһэр үгүс дьон ону өйдөөбөттөр. Урут саҕалаан иһэн хаалларбыт дьыалаҕытын сөргүтүөххүтүн сөп.

Скорпион

Ситиһиилээх ый. Барыы-кэлии, дуогабар түһэрсии санааҕын күүһүрдүө. Саҥа былааны олоххо киллэриэххин сөп. Бэйэҕэр эрэлиҥ күүһүрэр. Үп-харчы дьыалатыгар ситэ билбэт дьоҥҥор эрэнимэ.

Охчут

Нэдиэлэ саҥата тапталлааххын кытта өйдөспөккө киҥир-хаҥыр саҥарсыаххын сөп. Олоххо биир сорук­таах буоллахха, барыта кыалларын өйдүөххүтүн наада. Соҕотох охчуттарга саҥа этии киириэҕэ. Итини ылынаргытыттан-ылыммаккытыттан тус олоххут улахан тутулуктаах буолсу.

Чубуку

Сынньалаҥ кэмэ. Эн дууһалыын дуоһуйа сылдьаҕын. Бу кэмҥэ эйиэхэ ханнык да муора наадата суох. Аттыгар чугас дьонуҥ уонна тапталлааҕыҥ. Кэргэнэ суох чубукулар уруккуттан билэр киһигитин саҥалыы хараххытынан көрүөххүт.

Күрүлгэн

Улахан быһаарыныы ылынар күннэр үүммүттэр. Ити дьиэ-уот атыылаһыытыгар эбэтэр атыылааһыныгар сыһыаннаах. Туохтан да куттаммакка хамсаннаххына, барыстаах хаалыаххын сөп.

Балыктар

Дьону кытта аһары күрэстэһэр билиҥҥи кэмҥэ наадата суох. Арыый чуумпутук сылдьар, бүгэр кэм. Доруобуйаҕар, оҕолоргор болҕомто ууруоххун наада. Кинилэргэ эн өйөбүлүҥ олус наадатын умнума.

Ульяна Захарова, edersaas.ru

+1
0
+1
0
+1
0
+1
0
+1
0
+1
0
+1
0