Гороскоп

Нэдиэлэтээҕи гороскоп (бэс ыйын 24 от ыйын 1 күннэрэ)

ХОЙ. Бу күннэргэ үлэҕэр элбэҕи ситиһиэххин сөп. Арай, онно ордугурҕааччылар  араас киксиилэрэ мэһэйдиэн сөп. Оттон бэйэҕэр эрэллээх, дьулуурдаах буоллаххына барыта санааҥ хоту салаллыа. Онуоха чугас дьонуҥ көмө, тирэх буолуохтара.

ОҔУС. Сэрэйэн көрөр дьоҕургар эрэн. Бас билэн талбыттарынан дьаһа­йыахтарын баҕарааччылар көстүөхтэрэ. Харчыны иэс биэримэ, төннөрөрүҥ саарбах. Хата, эбии үөрэ­ниэххин, билиигин хаҥатыныаххын сөп. Ол туһата кэлин да улахан буолуо.

ИГИРЭЛЭР. Ыал дьоҥҥо тупсуу, өйдөһүү улаатар. Оттон соҕотох сылдьааччылар тапталларын, аналларын көрсүөхтэрин сөп. Үлэ-хамнас уруккутунан. Сорудаҕы хаһаамматаххына, кыайыылаах-хотуулаах буолуоҥ. Бириэмийэ да тутуоххун сөп.

АРААК. Үлэҕэ-хамнаска табыллыы, ситиһии арыаллыа. Былааннаабыккын олоххо киллэрэр кыахтаныаҥ. Оттон дьиэҕэр кыраттан сылтаан өйдөспөт буолуу үөскүөн сөп. Онуоха эн тулуурдаах буоларыҥ наада, тугу да күүркэтимэ.

ХАХАЙ. Баҕа санааҕын олоххо киллэрэргэр тоҕоостоох күннэр үүммүттэр. Онуоха үлэҕэр кэллиэгэлэриҥ, дьиэҕэр чугас дьонуҥ өйүөхтэрэ. Сулумах сылдьааччылары саҥа билсиһии күүтэр. Үбү-харчыны солуута суохха ыскайдаама.

КЫЫС. Дьиэҕэр, үлэҕэр барыта былаан хоту баран иһэн, соһуччу уларыйыы буолуон, харгыс үөскүөн сөп. Онно холку буоларга кыһалын. Кимниин да иирсэ сатаама. Чугас дьонуҥ сүбэлэрин иһит. Төһөнөн холкутуйаҕын, соччонон барыта оннун-сүнньүн булуо.

ЫЙААҺЫН. Былааҥҥын олоххо киллэрэргэ дьулус. Бэлэми ким да аҕалан биэрбэтин өйдөө. Ол гынан баран, доруобуйаҕын умнума. Сөптөөх сынньалаҥ, хамсаныы, сибиэһэй салгыҥҥа сылдьыы туһалыахтара. Үтүө сонун күүһү-уоҕу биэриэ.

СКОРПИОН. Бу күннэргэ барыы-кэлии, саҥа билсиһии күүтэр. Сонунтан сонун күннэр үүммүттэрин да иһин, доруобуйаҕын таһыччы умнума. Эрэсиими тутуһуу, уоскуйан, чуумпуран ылыы туһалыахтара. Үһү-тамах кэпсээннэргэ кыттыһыма.

ОХЧУТ. Түбүк-садьык элбиэҕэ. Сэниэҥ да бараммыт курдук буо­луоҕа. Элбэх киһи тоҕуоруһар сиригэр сылдьа сатаама. Ол оннугар бэ­­йэҕэр бүк, сибиэһэй салгыҥҥа сырыт, эрэ­сиимнэн. Харчыны иэс ылыма да, биэримэ да.

ЧУБУКУ. Үчүгэй, ситиһиилээх күннэр-дьыллар үүммүттэр. Бу тус олоххор да, үлэҕэр-хамнаскар да буо­луон сөп. Саҕалаабытыҥ, ылсыбытыҥ санааҥ хоту салаллыа. Сулумах сылдьааччылары истиҥ көрсүһүү күүтэр. Бу күннэргэ харчы эбэтэр бэлэх тутуоҥ.

КҮРҮЛГЭН. Үлэҕинэн аһара үлүһү­йүмэ. Сыаналыыллара саарбах. Онно эбии ордугурҕааччылар көстүөхтэрэ. Саарбаҕалыыр дьоҥҥуттан тэйиччи тутун. Тугу барытын сыымайдаан, тиэтэйбэккэ толкуйдаан эрэ баран быһаарыыта ыл.

БАЛЫКТАР. Сэрэйэн көрөр дьоҕуруҥ хаһааҥҥытааҕар да күүһүрбүт. Маныаха тылгынан эмиэ быраҕаттаныма. Баҕа санааҕын олоххо киллэрэргэ дьулус. Табыллыа. Бу күннэргэ дьиэҥ иһин уларыттаххына, олоххор эмиэ уларыйыы буолуо.

 

edersaas.ru

0
0