Гороскоп

Нэдиэлэтээҕи гороскоп (бэс ыйын 2 — 9 күннэрэ)

Хой

Элбэх саҥа билсиһии күүтэр. Аһары элбэх дьону кытта алтыһаҥҥын дьиэтээҕилэргин кытта кэпсэтэргэр быыс да буларыҥ саарбах. Үлэҕэр мөккүөрдээх түгэннэр буолуохтара. Ханнык да түгэҥҥэ бэйэни туттунар ордук.

Оҕус

Чуумпу, холку нэдиэлэ үүүнүөҕэ. Чаас­кылаах чэйи иһэртэн кытта дуоһуйуу ылыаҕыҥ. Билигин эйиэхэ чугас дьоҥҥун кытта алтыһыы сүрүн миэстэни ылар олоххор. Элбэҕи, саҥаны былааннаама.

Игирэлэр

Сулустар саҥа билсиһиилэри, истиҥ кэпсэтиилэри эрэннэрэллэр. Маннык көхтөөх олох эйигин саҥа былааннартан аралдьытыан сөп. Нэдиэлэ бүтүүтэ соҕотохсуйуоххун баҕарыаҥ. Кыратык санаарҕаан да ылыаҥ.

Араак

Араактар олохтон дуоһуйуу ыларга, сайын үтүөтүн билэргэ бэлэм буолуҥ. Айылҕаҕа сылдьан, ыраах айаҥҥа турунан уруккуттан санаа ымыыта оҥостубут ыраҕын ситиһиэҥ.

Хахай

Дьон хараҕын далыгар, болҕомтотугар сылдьыаҥ. Тугу санаабытыҥ сатанар кэмэ. Уһун быһаарыныыны ылынар дьыалаҥ түмүктээх буолуоҕа.

Кыыс

Чэпчэки, үчүгэй нэдиэлэ күүтэр. Интэриэһинэй көрсүһүүлэр буолуохтара. Саҥа билсиһии инники олоҕун суолугар улахан оруоллаах буолуоҕа. Үлэҕэр-хамнаскар туһалаах кэпсэтии тахсыаҕа.

Ыйааһын

Уустук, икки өрүттээх нэдиэлэ күүтэр. Көрсүһүүлэр көһөрүллэллэр, былааннар ыһыллыахтарын сөп. Үп-харчы дьыалата ситиһиилээхтик быһаарыллыа. Урукку кэллиэгэлэр, доҕоттор сүбэлэрэ-амалара туһа­лаах буолуоҕа.

Скорпион

Көхтөөх, бэһиэлэй нэдиэлэ күүтэр. Саҥа идиэйэлэр, билсиһиилэр күүтэллэр. Скорпионнарга тугу ылсыбыттара барыта ситиһиини эрэ кэрэһилиир ис санааҕыт күүһүгэр итэҕэйиҥ, сыыһыаххыт суоҕа.

Охчут

Кыһалҕалаах, уустук нэдиэлэ үүммүт. Урут быһаарбатах дьыалаҥ хат күөдьү­йэн тахсыаҕа. Куһаҕан санааҕын кыйдаа. Санааҕын түһэримэ, бу сотору кэминэн ааһыаҕа.

Чубуку

Дьэ, өр күүппүт сынньалаҥыҥ үүнүөҕэ. Айылҕаҕа сынньалаҥ, истиҥ доҕоттордуун көрсүһүү күүтэр. Өрөбүллэргэ бэ­­йэҕин көрүнэ, туттуна сырыт. Чугас дьоҥҥун кытта өйдөспөт буолуу түгэнэ үөскүөн сөп.

Күрүлгэн

Тус олоххор болҕомто уураргар уолдьаспыт. Соҕотох күрүлгэннэр олохторун оҥостоллоругар ситиһиилээх нэдиэлэ. Нэдиэлэ иккис аҥара үөрэххэ, үлэҕэ тоҕоостоох.

Балыктар

Туох баар эппиэтинэстээх үлэҕин нэ­­диэлэ ортотугар көһөрөрүҥ наада. Саҥа билсиһии, көхтөөх сынньалаҥ күүтэр. Доҕоттору кытта алтыһыы үтүө түмүктэрдээх буолуоҕа.

0
0
Telegram @edersaas20