ХОЙ. Сатабылгынан кэлэктиипкэ болҕомтону тардыаҥ, биһирэбили ылыаҥ. Ол үлэҕэр ураты сүүрээни киллэриэ. Оттон былааҥҥын олоххо киллэрэргэр, өйөбүл наада буолуо. Санааҕын-онооҕун көтөҕөр дьоннуун элбэхтэ алтыс.
ОҔУС. Бу күннэргэ үлэҕэр табыллыаҥ. Салалтаҥ саҕалаабыккын бэлиэтии көрүө. Көнньүөрэн, үлэлиир баҕаҥ улаатыа. Ылсыбытыҥ ыпсан иһиэ. Бириэмийэ эбэтэр бэлэх тутуоҥ. Түүлгүн ыһа-тоҕо кэпсээмэ. Болҕомтоҕор наадыйар дьону тумнума.
ИГИРЭЛЭР. Бу күннэргэ табыллыы, ситиһии арыаллыыр. Үп-харчы боппуруоһа тупсуо. Былааннаабыккын олоххо киллэриэххин сөп. Маныаха сибээстэргин хаҥат. Соһуччу көрсүһүүлэр күүтэллэр. Үтүө сонунтан үөрүөҥ. Саҥаны ылбытыҥ санааҕын көтөҕүө.
АРААК. Үлэҕэр-хамнаскар уларыйыы суох. Сорудаҕы хаһааныма, туохха барытыгар харгыстаныаҥ. Сибиэһэй салгыҥҥа сылдьыыҥ, чугас дьоҥҥун кытары бириэмэҕин атаарыыҥ күүс-сэниэ эбиэхтэрэ. Аҕам саастаах киһи сүбэтэ кэлин көмөлөөх буолуоҕа.
ХАХАЙ. Туох баар болҕомтоҕун үлэҕэр уур. Улаханнык сыраластаххына эрэ салалтаҥ бэлиэтии көрүө. Үпкэ-харчыга сыһыаннаах боппуруостарга болҕомтолоох буол. Иирсээнтэн тэйиччи тутун, тылга-өскө тииһимэ. Элбэх киһи мустар сиригэр бу күннэргэ сылдьа сатаама.
КЫЫС. Саҥаны саҕалыыргар олус үчүгэй күннэр-дьыллар үүммүттэр. Ылсыбытыҥ барыта үчүгэй түмүктээх буолуоҕа. Дьиэ кэргэҥҥэр өйдөһүү-өйөһүү күүһүрэр. Ыраахтан ыалдьыт кэлиэ эбэтэр кэһии тутуоҥ. Өрөбүллэргин дьиэ кэргэҥҥин кытары атаар.
ЫЙААҺЫН. Элбэх көрсүһүүлэр, саҥа билсиһиилэр күүтэллэр. Үлэҕэр эмиэ түбүк-садьык элбиэ. Ол гынан баран, сонно ылсан истэххинэ кыайа-хото тутуоҥ. Доруобуйаҥ туһунан умнума. Аскын-үөлгүн көрүн, сөптөөх хамсаныыта оҥор.
СКОРПИОН. Дьиэ кэргэҥҥэр хаһааҥҥытааҕар да истиҥ сыһыан олохсуйуо. Үлэҥ таһынан эбии харчылаһыаххын сөп. Чугас дьонуҥ доруобуйаларыгар болҕомтоҕун уур. Өрөбүллэргин кинилэри кытары атаар. Элбэх киһи тоҕуоруһар сиригэр сылдьа сатаама.
ОХЧУТ. Дьиэҕэр, үлэҕэр түбүк-садьык элбиэ. Ыксаабакка, ыгылыйбакка ылыс. Барыта табыллыа, оннун-сүнньүн булан иһиэ. Көрбөтөҕүҥ ырааппыт киһигин соһуччу көрсүөҥ. Саҥа билсиһиилэр да баар буолуохтара. Ордук бу күннэргэ ыраах бара-кэлэ сатаама.
ЧУБУКУ. Барыы-кэлии, айан күүтэр. Нэдиэлэ көрсүһүүлэринэн, саҥа билсиһиилэринэн толору. Онуоха соҕотох сылдьааччылар олохторун аргыһын көрсүөхтэрин сөп. Онон түбүктэн төһө да сылайдаххына, истиҥ көрсүһүүттэн аккаастаныма.
КҮРҮЛГЭН. Бу күннэргэ үлэҕэр-хамнаскар болҕомтоҕун уур. Сыалгын олоххо киллэрэргэ дьулус. Элбэҕи ситиһиэҥ. Оттон доҕоттору-атастары кытары көрсүһүүлэри тохтотон эр, өйдөһүмүөххүтүн сөп. Ол оннугар өрөбүллэргин чугас дьоҥҥун кытта атаар. Кинилэр тирэх буолуохтара.
БАЛЫКТАР. Нэдиэлэ үөрүүнэн, үтүө сонунунан толору. Истиҥ көрсүһүүлэр эмиэ күүтэллэр. Туох эрэ наадалааҕы атыыласпытыҥ дьиэ иһинээҕи эйгэни тупсарыа. Бу күннэргэ чугас дьонуҥ тугу этэллэрин болҕойон иһит, ылын.
edersaas.ru