Гороскоп

Нэдиэлэтээҕи гороскоп (бэс ыйын 16 — бэс ыйын 23 күннэрэ)

Хой

Дьону кытта уопсай тылы түргэнник булаҕыт. Оннооҕор өйдөспөт, искитигэр да киллэрбэт дьоҥҥутун кытта син бэрт сыһыаны олохтуоххутун сөп. Ол эрээри аһары элбэх киһини кытта алтыһан нэдиэлэ ортото сылайбыккын билиэҥ. Быыс булан сынньана сатаа.

Оҕус
Өскөтүн эн тулуурдаах уонна кыра кыһалҕаны холкутук ылынар буоллаххына, бэс ыйа күүтүүлээх бэлэхтэри оҥо­руоҕа. Бу нэдиэлэтээҕи девиһиҥ – бытааннык ыксаа диэн. Ол эбэтэр хас биирдии саҥаҕын, хамсаныыгын толкуйдаан, сааһылаан баран олоххо киллэрэргэ дьулус.

Игирэлэр

Олус үтүө кэм. Үгүс үөрүүлээх түгэннэр тосхойуохтара. Араас кыһалҕаны судургутук быһаарыаҥ. Дьыала-куолу да этэҥҥэ. Ордук санааччылар да баар буолуохтара. Ол эрээри кинилэргэ кыһаныма.

Араак

Санаа түһүүтэ уонна кыраттан да тымтан туруу элбэххэ мэһэйдиэн сөп. Чугас дьоҥҥун кытта өйдөспөккүн. Наар бэйэҥ эрэ баҕарбыккынан барытын оҥоро сатыыгын. Арыый сыһыаҥҥын уларыттаххына, нэдиэлэ бүтүүтэ барыта оннун булуоҕа.

Хахай

Олус интэриэһинэй нэдиэлэ үүммүт. Үгүс саҥа дьону кытта билсиэҥ. Соһуччу таптал да иэйиитэ таарыйыан сөп. Нэдиэлэ бүтүүтэ докумуоҥҥа сыһыаннаах дьыалаҕа сэрэхтээх буол.

Кыыс

Саҥа мал-сал эбэтэр дьиэ, массыына атыылаһыаххын сөп. Мантан санааҥ көнньүөрүө. Атыы-эргиэн табыллар кэмэ. Дьону кытта сыһыаҥҥа арыый тулуур­даах буол.

Ыйааһын

Сылайбыккын. Тулаҕар эйигин үөрдэх аҕыйах курдук. Ол эрээри кыраттан санаа­ҕын түһэримэ. Быстах кэмнээх санаа түһүүтэ начаас ааһыаҕа. Нэдиэлэ бүтүүтэ үчүгэй сонуну истиэҥ. Оҕолор ситиһиилэрэ үөрдэр.

Скорпион

Айар талаанын арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Ыраах айан ситиһиилээх буолуоҕа. Саҥа дьоннуун билсэн санааҥ көнньүөрүө.

Охчут

Үлэҕэр-хамнаскар барыта этэҥҥэ курдук. Ол эрээри дьон хобун-сибин аһары чугастык ылынан кыыһырыах-абарыах санааҥ кэлэр. Итинник түгэҥҥэ бэйэ бодотун тардынан уһуну-киэҥи ырыҥалаа.

Чубуку

Саҥа дьону кытта билсии, ыраах айан – барыта үөрүүнү эрэ түстүүр. Биир сиргэ хааллан олорбокко хамсанан-имсэнэн олоххо көхтөөх буол диэн сүбэлииллэр сулустар.

Күрүлгэн

Урут былааннаан баран ханнык эрэ кыһалҕаҕа кыһарыйтаран умнан кэбиспит дьыалаҕын салҕыаххын сөп. Санаа күүһэ уонна былаан барытын кыайар диэн санааны тутустаххына, бу нэдиэлэҕэ элбэҕи ситиһиэҥ.

Балыктар

Тапталга табыллар кэм. Үөлээннээхтэргин, биир идэлээхтэргин кытта элбэх дьон­ноох сиргэ сылдьан сэргэхсийиэҥ. Саҥа билсиһии тапталга кубулуйуон сөп.

4
0
Telegram @edersaas20