ХОЙ. Саҥа дьарык күүтэр эбэтэр оҕолоруҥ, чугас дьонуҥ эн болҕомтоҕор наадыйаллар. Тугу эрэ эрэннэрбиккин толорорго кыһалын. Барыта табыллыа. Үлэҥ-хамнаһыҥ этэҥҥэ.
ОҔУС. Ылсыбыккын тиһэҕэр тиэрт. Салалтаҥ бэлиэтиэ. Түүлгүн-биккин ыһа-тоҕо кэпсээмэ, тойоннотума. Чугас киһиҥ таҥнарыан, сыаналаабатах киһиҥ көмөлөһүөн сөп.
ИГИРЭЛЭР. Туораттан көмөнү эрэйимэ. Бэйэҥ сэрэххэ хаһаастаах, толкуйдаах буоларыҥ ордук. Былааныҥ элбэх харчыны эрэйиэ. Бу күннэргэ ордук албынтан-көлдьүнтэн сэрэн.
АРААК. Үлэҕэр элбэҕи ситиһиэҥ. Бэйэҕэр эбэтэр чугас дьоҥҥор балачча харчы наада буолан туруон сөп. Ыраахтан сонун истиэҥ. Соһуччу көрсүһүү, истиҥ сэһэргэһии күүтэр.
ХАХАЙ. Бириэмийэ эбэтэр чугас дьоҥҥуттан харчы тутуоххун сөп. Дьыалаҥ-куолуҥ табыллыа. Доруобуйаҥ туһунан умнума. Аскын-үөлгүн көрүн, сөптөөх хамсаныы туһаны аҕалыа.
КЫЫС. Нэдиэлэ көрсүһүүнэн толору. Дьиэ кэргэҥҥэр наадалаах боппуруоһу быһаарыаҥ. Үп-харчы боппуруоһа үчүгэй. Оҕолор доруобуйаларыгар болҕомтоҕун уурарыҥ наада.
ЫЙААҺЫН. Эһиги сыһыаҥҥытыгар туораттан кыттыһа сатааччылар көстүөхтэрэ. Араас хопко-сипкэ итэҕэйэ сатаама. Үлэҕэр болҕомтоҕун уур. Харчыгын мээнэ ыскайдаама.
СКОРПИОН. Эйигин албынныы сатыылларын билиэҥ. Чугас киһиҥ доруобуйатыгар болҕомтоҕун уур. Элбэх үбү-харчыны барыаххын сөп. Оттон иирсээнтэн туора тур.
ОХЧУТ. Тугу истибиккэр барытыгар итэҕэйимэ. Бу күннэргэ өр кэтэспит баҕаҥ туолуон сөп. Саҥа билсэр дьоҥҥуттан сэрэн. Эрдэ туруоҥ, элбэҕи ситиһиэҥ.
ЧУБУКУ. Дьиэ иһинээҕи сонун элбэх. Бэлэх, кэһии атыылаһан сүүрүөҥ-көтүөҥ. Бу күннэргэ айаныҥ табыллыа. Ыраахтан ыалдьыт кэлиэн эбэтэр кэһии тутуоххун сөп.
КҮРҮЛГЭН. Бу күннэргэ ылсыбытыҥ бытааннык эрээри, барыта табыллан, оннун-сүнньүн булан иһиэ. Тугу да тиэтэтимэ. Соһуччу үөрүү, бэлэх күүтэр. Эбии харчылаһар кыах бэриллиэ.
БАЛЫКТАР. Эбии үөрэнэргэ тоҕоостоох күннэр. Оҕоҥ эбэтэр хайа эрэ аймаҕыҥ үтүө сонунунан үөрдүө. Чугас дьонуҥ сүбэлэрэ туһалыа. Ыраахтан кэһии тутуоҥ.
edersaas.ru