Хой
Бу нэдиэлэ устата хой бэлиэлээхтэр бэйэлэрин күүстээх, талааннаах, мындыр киһи быһыытынан көрдөрөллөрүгэр улахан кыах бэриллэр. Эниэргийэҕит, сатабылгыт дьону сөхтөрүөҕэ. Онон баҕарбыккытын ситиһиэххит, санааҕытын ууран туран ылсыаххытын эрэ наада. Саҕалаабыт дьыалаҕытын тиһэҕэр диэри тиэрдэргэ кыһаллыҥ.
Оҕус
Уруккуттан иитиэхтии сылдьыбыт санааҕытын олоххо киллэрэргэ тоҕоостоох кэм кэлбит. “Дугдуруй да оҕус” диэн сулустар оҕустарга сүбэлииллэр. Нэдиэлэ ортото күүппэтэх өттүгүтүттэн сонуннары истиэххит, айаҥҥа турунуоххутун, соһуччу улахан малы-салы атыылаһыаххытын сөп.
Игирэлэр
Игирэлэргэ олоххо уларытыылары киллэрэргэ бэртээхэй нэдиэлэ үүммүт. Сонун сирдэргэ сылдьыы, саҥа дьону кытта билсии-көрсүү күүтэр. Быар куустан олорбокко хамсанан иһиэххитин наада, ситиһии, табыллыы кэлиэҕэ. Аны туран, сулустар олорор сири, үлэни уларытыан баҕарар дьон үгүһү-киэҥи толкуйдуургутугар сүбэлииллэр.
Араак
Бу нэдиэлэҕэ араактар өр күүппүт баҕа санаалара туолуоҕа. Бу баҕа санааҕыт туолан, олоххо былааннаргыт эмиэ биир-биир табыллан, ситиһиллэн иһиэхтэрэ. Ол эрээри, онтон наһаа үөрбэккитигэр, бар дьону аймаабаккытыгар сулустар сүбэлииллэр. Эһиэхэ ымсыырааччы, ордук санааччы дьон баар эбит. Тулаҕытыгар эһиги көмөҕүтүгэр наадыйар дьон баар.
Хахай
Хахайдар саҥаны ылсаргытыгар, биир халыыптан тахсаргытыгар тоҕоостоох нэдиэлэ үүммүт. Олоххутун быһаарар боппуруостарынан, докумуоннарынан дьарыктаныаххыт. Кумааҕыны кытта үлэлиир дьон болҕомтолоох буолуҥ. Бэнидиэнньиккэ, оптуорунньукка соһуччу көрсүһүүлэр күүтэллэр.
Кыыс
Үлэҕитигэр табыллыаххыт. Салалта эһиги үлэҕитин сыаналыаҕа, бириэмийэ көрүөҕэ, хамнаскыт эбиллиэҕэ. Дьон саҥатыгар киирэн биэрэр куттал баар, онон ордук хос болҕомтону эрэйимэҥ. Чугас дьоҥҥутун кытта өйдөспөт буолуу түбэлтэлэрэ тахсыахтарын сөп. Ыксаллаах быһыыга-майгыга түбэһиэххитин сөп. Тулуурдаах буолуҥ.
Ыйааһын
Ыйааһыннар ылсыбыт дьыалаҕытыгар кыра мэһэйдэр үөскүөхтэрин сөп. Бу мантан хомойумаҥ, кыыһырымаҥ. Барыта этэҥҥэ буолуоҕа. Эһиги үтүө тылгытыгар, сүбэҕитигэр үгүс киһи наадыйар эбит. Чугас дьоҥҥутугар болҕомтото ууруҥ, кыһамньыгытын көрдөрүҥ. Саарбахтыыр дьоҥҥутун кытта алтыһымаҥ, албыҥҥа киирэн биэриэххитин сөп.
Скорпион
Субуота-өрөбүл диэки скорпионнар олус элбэх саҥа информацияны билиэххит. Үөрэ-көтө сылдьар майгыгыт уонна эниэргийэни сөпкө туһанар сатабылгыт туруоруммут сыалларгытын ситиһэргитигэр көмө буолуохтара. Бу уһулуччу кэми туһанан хаалыҥ — суолталаах быһаарыныылары ылынарга тоҕоостоох кэм.
Охчут
Охчуттарга интэриэһинэй этиилэр киириэхтэрэ. Ол эрээри онно тута сөбүлэһэ охсорго ыксаамаҥ, үчүгэйдик толкуйданыҥ. Сатамньыта суох быһыыга, кыбыстыыга, албыҥҥа киирэн биэриэххитин сөп. Чугас дьоҥҥут, доҕотторгут таҥнарбыттарын, эһиги тускутунан хобу-сиби тарҕаппыттарын истэҥҥин соһуйуоххут, хомойуоххут.
Чубуку
Биир кэм түһүүлээх-тахсыылаах нэдиэлэ буолсу. Эһигиттэн тутулуга суох бүрүкүтэ суох балаһыанньа тахсыан, онно эһигини буруйдуу охсуохтарын сөп. Бэйэҕит чиэскитин, ыраас ааккытын харыстааҥ. Соһуйан олорон биэримэҥ. Бэринимэҥ, ситиһии кэлиэҕэ, киирсэн иһиҥ.
Күрүлгэн
Күрүлгэн бэлиэлээхтэр уһун кэмҥэ ууран сытыарбыт быстах-остох кыра дьыалаларгытын ситиһиэххит. Маныаха өйгүтүгэр оҕустарбатах даҕаны туора киһигит көмө буолан, илиитин утары уунан соһутуоҕа. Айан суола күүтэр. Олус бэһиэлэй айан буолуоҕа, үөрэ-көтө барсаргытыгар сулустар сүбэлииллэр.
Балыктар
Харчыгытын сөбө суохха матайдаамаҥ, уурунуҥ, наада буолуоҕа. Сулумах “балыктары” дьылҕаны уларытар көрсүһүү күүтэр. Сүүйүү, баарт, табыллыы күүтэр. Санааҕыт туохха сытарын, бэйэҕит тугу сөбүлүүргүтүн инники күөҥҥэ тутуҥ. Бу — эһиги саамай сөптөөх быһаарыныыгытынан буолуоҕа.