Нэдиэлэтээҕи гороскоп: Балаҕан ыйын 23-30 күннэрэ

Ааптар: 
Бөлөххө киир:

ХОЙ

Бу күннэргэ болҕомтоҕун тугу ситэри оҥоруохтааххар хатаа. Ол тус бэйэҕэр, дьиэҕэр-уоккар, үлэҕэр да сыһыаннаах. Бу күннэргэ харчы тутуоҥ. Доруобуйаҕар болҕомтолоохтук сыһыаннас.

ОҔУС

Бу күннэргэ дьиэ-уот, кэлии-барыы, үлэ-хамнас туһунан боппуруостары быһаарсыаххын сөп. Түбүк-садьык төһө да элбэҕин иһин, доруобуйаҕын көрүн. Түүлгэр болҕомтоҕун уур.

ИГИРЭЛЭР

Үлэҕэр, үөрэххэр кыһамньылааххын, билэргин-көрөргүн көрдөрөрүҥ наада. Ханна да хо­йутаабат буоларга кыһалын. Былаан оҥоһуннаххына, ону тутустаххына, элбэҕи ситиһиэҥ.

АРААК

Бу күннэргэ туох буоларга барытыгар көхтөөхтүк кыттан ис. Сулумахтары саҥа билсиһии, истиҥ көрсүһүү күүтэр. Ыраахтан ыалдьыт кэлиэ эбэтэр соһуччу көрсүһүү буолуоҕа.

ХАХАЙ

Тугу түһээбиккин дьоҥҥо-сэргэҕэ кэпсээмэ. Ис санааҕын арыйыма. Дьону-сэргэни кытта сэһэргэһииттэн үлэҕэр сыһыаннаах ураты санаа, сонун сүүрээн киириэ. Ол туһалаах буолуо.

КЫЫС

Түбүк-садьык, үлэ-хамнас элбии турар курдук буолуоҕа. Киэҥ көҕүстэн, сыта-тура толкуйдаан ылыс, боппуруостары быһаар. Чугас дьонуҥ эн болҕомтоҕор, өйөбүлгэр наадыйалларын умнума.

ЫЙААҺЫН

Бу күннэргэ үпкэ-харчыга сыһыаннаах боппуруоһу быһаарыаҥ. Ууруммут, былааннаабыт харчыгын матайдыы охсорго ыксаама. Үлэҕэр уларыйыы суох. Ыраахтан ыалдьыт кэлиэ эбэтэр соһуччу көрсүһүү күүтэр.

СКОРПИОН

Хаһааҥҥытааҕар да үлэлиэх, дьаһалымсыйыах санааҥ күүһүрүө. Ол эрээри, бу күннэргэ бэйэҕэр бүкпүтүҥ, доруобуйаҕын көрүммүтүҥ ордук. Сөптөөх сынньалаҥ туһалаах буолуо.

ОХЧУТ

Харчыгын ааҕан-суоттаан тутун. Бу күннэргэ өрөмүөн саҕалаабытыҥ табыллыа. Иирсээҥҥэ кыттыһыма, тыл бырахсар дьонтон тэйиччи хаампытыҥ ордук. Сынньалаҥҥын чугас дьоҥҥун кытта атаар.

ЧУБУКУ

Сэһэргэһэр дьоҥҥун кытта уопсай тылы була сатаа. Сүбэни-аманы ылын. Ханнык да түгэҥҥэ киэҥ көҕүстээх буоларга кыһалын. Нэдиэлэ бүтүүтүгэр соһуччу көрсүһүү күүтэр.

КҮРҮЛГЭН

Бу күннэргэ уһуну-киэҥи толкуйдаа, санааҕын сааһылаа. Дьону кытары кэпсэтэргэр тылгар-өскөр болҕомтоҕун уур. Өһүргэтиэххин сөп. Үлэҕин кэмигэр бүтэрэн истэххинэ, ситиһиилэниэҥ.

БАЛЫКТАР

Ыра санааҥ туолан улаханнык үөрүөҥ. Онуоха көмөлөспүт дьоҥҥор махтанаргын умнума. Кинилэр өйөбүллэрэ кэлин эмиэ наада буолан туруо. Бу күннэргэ саҥа билсиһииттэн туттунарыҥ ордук.

+1
0
+1
0
+1
0
+1
0
+1
0
+1
0
+1
0