Гороскоп

Нэдиэлэтээҕи гороскоп (балаҕан ыйын 22-29 күннэрэ)

ХОЙ

Тус олоххунан аһары үлүһүйэҥ­ҥин урукку-хойукку доҕоттортон, аймах-билэ дьоҥҥуттан тэйбиккин. Бэйэҕин аһары хааччахтыыр буолбуккун, куруук ааҕына-суоттана, сылдьартан сылайбык­кын. Эбии дохуот булунар туһунан толкуйуҥ ситиһиилээх буолуоҕа.

ОҔУС

Саҥа, сэргэх идиэйэлэр киирэллэр. Ол эрээри ол саҥа толкуйдаргар ардыгар өйөбүл суох курдук. Ис дьиҥэр оннук буолбатах. Сатаан ис санааҕын тиэрдэргэ кыһан.

ИГИРЭЛЭР

Бар дьону кытта сатаан тапсыбаккыттан, ардыгар бэйэҕиттэн-бэ­йэҥ кыйаханар курдуккун. Дьиэ кэргэҥҥэр үөскээбит кыра мөккүөрү улаатыннарбакка уҕарытар ордук. Оҕолорго, аймахтарга болҕомто ууран кыра да бириэмэни аныыр олус наадалаах.

АРААК

Чугас дьоҥҥуттан, хаан-уруу аймахтаргыттан аһары тэйбиккин. Эн толкуйгун кытта кинилэр санаалара сатаспакка дылы. Эн аныгылыы көрүүгүн кинилэр ылымматтар. Оттон кинилэр өттүлэриттэн бэйэҕин анаалыстаан көрбүтүҥ дуо? Аҥаардас биир эрэ өттүттэн көмө, өйөбүл ылар соччото суох.

ХАХАЙ

Саҥа бырайыактар, үтүөнү саҕар санаалар төбөҕөр үөскүүллэр. Бу санааларгын чугас дьонуҥ өйүүллэр. Хорсуннук санаабыккын олоххо киллэрэн ис.

КЫЫС

Кыраны да уустугурдар, үлүннэрэр адьынаттааххын. Кыра кыһалҕаны таһаҕас оҥостубакка ылсыбыт ­дьыалаҕын тиһэҕэр тиэрдэриҥ ордук. Үбү-харчыны кытта сыһыаннаах ­дьыалабыай кэпсэтии эйиэхэ ситиһиини аҕалыаҕа.

ЫЙААҺЫН

Ситэ билбэт дьоҥҥор ис дууһаҕын аһан кэпсииртэн туттун. Үчүгэйдик кэпсэппит эрэ барыта доҕор-­атас буолбатах. Харчыга сыһыан­наах боппуруоска кытаанах буоларыҥ ирдэнэр.

СКОРПИОН

Саҥа билсиһии күүтэр. Бу билсиһии инники олоххун торумнуургар тоҕоостоох. Биисинэс эйгэтигэр, үп-харчы, олох-дьаһах эргииригэр да көмөлөһүөҕэ. Дьоҥҥо аһаҕас буоллахха син барыта табылларын өйдүөҕүҥ.

ОХЧУТ

Саһа сылдьар кистэлэҥ талааныҥ арыллаары үүйэ-хаайа тутар. Ардыгар санааҥ оонньуур. Санааҕар туох даҕаны кыайтарбат курдук. Ол эрээри бу быстах күн-дьыл ааһыаҕа. Барыта орун-оннугар буолуоҕа.

ЧУБУКУ

Дьиэҕэр саҥа мал-сал эбэтэр өрөмүөн ыытан дуоһу­йуоҥ. Хаһаайыстыбаннай өйүҥ туох­тааҕар да муҥутаан сылдьар кэмэ. Сэниэлээххин, идиэйэлээххин. Онон санаабык­кын олоххо киллэрэн ис. Уһатар наадата суох.

КҮРҮЛГЭН

Эйиэхэ чуумпу сынньалаҥ наадатын өйдүөҥ. Элбэх дьонноох сиртэн дьалты туттарыҥ наада. Бу күннэргэ сүрэххин аһары ноҕуруускалаабакка сырыт. Ыраах айаҥҥа турунума.

БАЛЫКТАР

Туохха барытыгар иннигинэн сылдьаҕын. Кимиэхэ да аккаастаабаккын. Ардыгар итинтэн искэр олус абараҕын. Ол эрээри дьону кытта сыһыаны алдьатыаххын баҕарбаккын. Тус санааҕын дьоҥҥо тымтыбакка холкутук тиэрдэргэ үөрэн.

1
1
Telegram @edersaas20