Нэдиэлэтээҕи гороскоп: БАЛАҔАН ЫЙЫН 16-23 КҮННЭРЭ

Ааптар: 
Бөлөххө киир:

ХОЙ

Үлэҕэр-хамнаскар, олоххор-дьаһаххар туох да уларыйыы суох. Барыта уруккутунан. Билигин туох эмэ саҥаҕа ылса сатаама. Ол оннугар урукку үлэҕин, дьиэҕэр-уоккар түбүккүн-садьыккын бүтэр-оһор.

ОҔУС

Түбүк-садьык элбиир чинчилээх. Сынньанаргар бириэмэҥ тиийбэт курдук буолуо. Кэллиэгэлэргин да кытары иирсиэххин сөп. Өрөбүл күннэргин тус бэйэҕэр анаа, сынньан, уоскуй.

ИГИРЭЛЭР

Түргэнник хамсанан-имсэнэн истэххинэ, элбэҕи ситиһиэҥ. Бииргэ үлэлиир эбэтэр билэр дьонуҥ өйөбүл буолуохтара. Төһө да солото суох буолбутуҥ иһин, чугас дьонуҥ эн көмөҕөр наадыйалларын умнума.

АРААК

Үлэҕэр болҕомтолоох буол. Ылсыбыккын сөптөөх кэмигэр бүтэрэн-оһорон ис. Онуоха сорудах да элбиэҕэ. Ис санааҕын чугас дьоҥҥор кэпсээтэххинэ, кинилэр көмө, өйөбүл буолуохтара.

ХАХАЙ

Үлэҕэр-хамнаскар туох да уларыйыы суох. Салалта эн кыһамньыгар, сыраҕар болҕомтотун уурбат кэмэ. Ол оннугар болҕомто туораттан ууруллуо. Саҥа билсиһии, истиҥ көрсүһүү күүтэр.

КЫЫС

Үлэҕэр-хамнаскар бу күннэргэ ылыс, болҕомтолоох буол. Тулаҕар буоларга барытыгар холкутук сыһыаннаһарга кыһан. Тиэтэйимэ, дьону-сэргэни кытары иирсэ сатаама. Өрөбүллэргэр дьиэҥ-уотуҥ үлэтин бүтэр.

ЫЙААҺЫН

Үлэҕин-хамнаскын хаһааҥҥытааҕар да кыайа-хото тутуоҥ. Ону бэлиэтии көрүөхтэрэ. Ыраахтан кэлбит үчүгэй сонун санааҕын улаханнык көтөҕүө. Бу күннэргэ саҥа билсиһии күүтэр.

СКОРПИОН

Үлэҕэр-хамнаскар ситиһиилэниэххин сөп. Ол тус бэйэҥ билиигиттэн, сатабылгыттан тутулуктаныа. Ордугурҕааччылар туорайдаһа сатаабыттарын биллэххинэ да иирсэ сатаама.

ОХЧУТ

Хаалларан сытыарбыт үлэҕин ситэр-хотор. Саҥаҕа түсүһүмэ. Чугас дьонуҥ ситиһиилэрэ, үөрүүлээх сонун күүс-уох биэриэ. Төһө да настарыанньаламмытыҥ иһин, элбэх киһи мустар сиригэр сылдьа сатаама.

ЧУБУКУ

Үлэҕэр, дьыалаҕа-куолуга болҕомтоҕун уур. Үп-харчы боппуруоһа үчүгэй. Харчы эбэтэр бириэмийэ тутуоҥ. Ол гынан баран, ону барыырга тиэтэйимэ. Туохха барытыгар киэҥ көҕүстэн.

КҮРҮЛГЭН

Үп-харчы боппуруоһа тупсуо. Хамнаһыҥ улаатыан эбэтэр дуоһунаһыҥ үрдүөн сөп. Сулумахтар олохторун аргыһын көрсүөхтэрин сөп. Өрөбүллэргэр истиҥ көрсүһүүлэр күүтэллэр.

БАЛЫКТАР

Кэллиэгэлэриҥ өйөбүллэринэн туһаныаҥ. Оттон сонун бырайыакка ылыстаххына, ситиһиилэниэҥ. Туора дьон бу күннэргэ тугу этэллэрин сүрэххэр чугастык ылыныма.

edersaas.ru

+1
0
+1
0
+1
0
+1
0
+1
0
+1
0
+1
0