Хой
Биирдик ааһар күннэртэн сылайбыккытын билиэххит. Үлэҕитин уларытарга, дьиэни-уоту тупсарарга, кэҥэттэргэ, саҥа дьону кытта билсэргэ тоҕоостоох кэм үүммүт. Уруккуттан быһаарыллыбатах кыһалҕаҕыт эмискэ күөрэйиэҕэ. Дьоҥҥо үтүөтүк сыһыаннаһыҥ.
Оҕус
Буола турары барытын чугастык ылыныаххыт. Ордук чугас дьоҥҥут эппит тылларыттан санаарҕыаххытын, ону санааҕытыгар тутуоххутун сөп. Аттыгытыгар таҥнарыахсыт, эһиги тускутунан хобу-сиби тарҕатар киһи баар буолуон сөп. Олоххо чэпчэкитик сыһыаннаһыҥ, барытын уустугурдумаҥ.
Игирэлэр
Олоҕурбут халыыптан тахсарга тиэтэйиҥ, дьон санаатыттан тутуллумаҥ. Барыһыраарыгыт албыҥҥа киирэн биэриэххитин, чугас дьоҥҥутун хомотуоххутун сөп. Үлэҕэ табыллыы, ситиһии күүтэр. Харса суох үлэлээҥ, ситиһии кэмэ.
Араак
Үлэҕититтэн, дьиэҕититтэн сылайбыт курдук буолуоххут. Саҥа сиргэ сылдьарга, бырааһынньыкка ыалдьыттыырга эбэтэр ыалдьыттары ыҥырарга бэрт күннэр үүммүттэр диэн сулустар билгэлииллэр. Манна тахсыбыт кэпсэтии эһиги олоххутун уларытыаҕа. Сискитин харыстааҥ, наһаа олорумаҥ, хамсаныҥ.
Хахай
Бу күннэргэ кистэлэҥ талааҥҥыт арыллыаҕа. Саҥаны, сонуну билэртэн, үөрэнэртэн аккаастанымаҥ. Ураты толкуйгутун дьоҥҥо кэпсииртэн, үллэстэртэн толлумаҥ. Айан суола күүтэр. Дьиэ кэргэҥҥитигэр болҕомтоҕутун ууруҥ, чугас дьоҥҥут эһиги сүбэҕитигэр наадыйар.
Кыыс
Кыыс бэлиэлээх кэрэ аҥаардары бу күннэргэ соһуччу көрсүһүүлэр, тапталга билинии күүтэр. Оттон эр дьон үлэ үгэнигэр сылдьыаххыт. Былааҥҥыт ыһыллыан сөп, ол эрээри бу барыта үчүгэйгэ буолуоҕа. Айылҕаҕа тахсан сынньанарга, дьиэ кэргэнинэн өрөбүллэри бииргэ атаарарга тоҕоостоох кэм.
Ыйааһын
Бу күннэргэ барыстаах уонна инникилээх этиилэр киириэхтэрэ. Ол түгэни мүччү тутумаҥ, сөбүлэһиҥ, ылсыҥ, үлэлэһиҥ. Оттон эһигиттэн тутулуга суох олоххо буолар уларыйыылартан хомойумаҥ, кыйыттымаҥ, бэйэтин кэмигэр буолуохтаах буолар диэн ылыныҥ. Кыһалҕаны атын өттүттэн көрөн быһаарарга кыһаллыҥ, көмөтө көрдөөҥ. Өр көрбөтөх киһигитин көрсөн үөрүөххүт-көтүөххүт.
Скорпион
Өр күүппүт, оҥостубут былааҥҥыт олоххо киирбэккэ санааҕыт түһүөҕэ. Маныаха көһүппэтэх өттүгүтүттэн көмөнү күүтүөххүт. Дьоҥҥо болҕомтолоохтук сыһыаннаһыҥ. Бу нэдиэлэ бүтүүтэ харчыга табыллыаххыт — тугу эмит атыылаатаххытына барыһырыаххыт, бириэмийэ биэриэхтэрэ.
Охчут
Сонун идиэйэлэргитинэн чугас дьоҥҥутун, кэллиэгэлэргитин соһутуоххут. Үлэҕэ бэйэни көрдөрөртөн, сатыыргытын үллэстэртэн кыбыстымаҥ, ураты дьоҕургутун, талааҥҥытын салалта сыаналыаҕа. Үөрэ-көтө сылдьар быһыыгытын, олоххо чэпчэки сыһыаҥҥытын үгүс дьон бэлиэтии көрүөҕэ.
Чубуку
Дьиэ-уот кыһалҕатын, үлэ боппуруостарын барытын бэйэҕитигэр ылынымаҥ. Эһиэхэ чугас дьоҥҥут, доҕотторгут көмөлөһүөхтэрин, сүбэлиэхтэрин баҕараллар. Умнууга барбыт дьарыккытын сөргүтүҥ. Харчыгытын мээнэ матайдаамаҥ, сотору кэминэн уурунуу харчы наада буолуо.
Күрүлгэн
Таптааҥҥыт олус дьоллоохтук санана сылдьыаххыт, маннык үөрбэтэххит ырааппыт. Ол эрээри албыҥҥа киирэн биэриэххитин сөп, улаханнык билбэт киһиэхэ эрэнимэҥ. Дьыала-куолу ситиһэргэ тоҕоостоох нэдиэлэ үүммүт, былааннаабыккытын барытын ситиһиэххит.
Балыктар
Сайдарга, үөрэнэргэ олус үчүгэй күннэр диэн сулустар билгэлииллэр. Нэдиэлэ ортото үтүө сонуну истиэххит, олоххут эһиги былааннаабыккыт курдук баран иһэриттэн үөрүөххүт. Дьиэҕэ-уокка үүт тураан олох, оҕолоргутугар болҕомтоҕутун ууруҥ.