Нэдиэлэтээҕи гороскоп (АТЫРДЬАХ ЫЙЫН 25 — БАЛАҔАН ЫЙЫН 1 КҮННЭРЭ)

Ааптар: 
Бөлөххө киир:

ХОЙ

Хой бэлиэлээхтэри бу нэдиэлэҕэ үөрүү-көтүү күүтэр. Дьиэҕитигэр, үлэҕитигэр барытын ситиһиэххит, кыайыаххыт-хотуоххут. Сөптөөх быһаарыныыны ылынарга бэйэҕит
толкуйгутугар эрэ эрэниҥ. Нэдиэлэ ортото сылайбыккытын билиэххит. Иллэҥ кэмҥитин чугас дьоҥҥутун кытта атаарыҥ.

ОҔУС

Инникилээх, киэҥ билиилээх дьону кытта алтыһарга тоҕоостоох күннэр үүммүттэр. Үлэҕитигэр хайҕаныаххыт, бириэмийэ тутуоххут. Дьону кытта өйдөспөт түгэн тахсыан сөп. Тылга тииһимэҥ, дьон үтүө сүбэтин ылыныҥ, истиҥ.

ИГИРЭЛЭР

Бу нэдиэлэҕэ айбыккыт-туппуккут, үлэлээбиккит эһиэхэ харчыны аҕалыаҕа. Ол эрээри, үгүс сыраҕытын уурбуккут эмиэ да сыаналанымыан сөп. Чугас дьоҥҥутун  кытта кэпсэтэн астыныаххыт-дуоһуйуоххут. Кинилэр эһиги сүбэҕитигэр, көмөҕүтүгэр наадыйаллар.

АРААК

Араактары бу нэдиэлэҕэ кумааҕы үлэтэ күүтэр. Тугу эрэ суруйуоххут, докумуоҥҥа илии баттыаххыт, архыыпка үлэлиэххит. Ыраах айаҥҥа турунарга сөптөөх кэм кэлбит. Уурунуу харчыгытын матайдаамаҥ, кэлин ордук наада буолсу. Доруобуйаҕыт туруга этэҥҥэ.

ХАХАЙ

Бу күннэр уратыны, саҥаны боруобалыырга, хаһан даҕаны дьарыктамматах дьыалаҕытыгар ылсарга табыгастаахтар. Соһуччу  кистэлэҥ талааҥҥытын арыйыаххытын сөп.
Сулумах хахайдары саҥа билсии-көрсүү  күүтэр. Хамсаабат баай-дуол туһунан толкуйдаабыккыттуолуоҕа.

КЫЫС

Ыраах айантан туттунуҥ, суолга сэрэхтээх буолуҥ. Улахан тэрээһиҥҥэ сылдьыаххытын, ону ааһан бэйэҕит бырааһынньык тэрийиэххит. Сылайбыккытынсылаарҕаабыккытын билиэххит. Ол эрээри,  ол сыраҕыт эһиэхэ уон оччонон төннүөҕэ, харса суох  үлэлээн иһин.

ЫЙААҺЫН

Бэйэ бодоҕутун тардына сылдьыҥ, наһаа  барытыгар “мин да мин” диэмэҥ. Кимҥэ  эрэ олоххутугар буола турары кэпсиэххитин баҕарыаххыт, ону истэр киһи көһүннэҕинэ даҕаны сэрэниҥ, үгүһү мээнэ кэпсээмэҥ, арыллымаҥ. Үлэҕит сыаналаныа, кэллиэгэлэргит хайҕыахтара. Сонун сиргэ сылдьыаххыт.

СКОРПИОН

Скорпионнары бу нэдиэлэҕэ элбэх үөрүүкөтүү, бырааһынньык, соһуччу көрсүһүү күүтэр. Дьиэ кэргэн тэринэргэ, оҕо  былаанныырга, дьиэ-уот туһунан толкуйдуурга тоҕоостоох нэдиэлэ үүммүт. Сөбүлүүр  үлэҕитигэр көһүөххүтүн, дуоһунаскыт үрдүөн сөп. Дьоҥҥо эрэниҥ, барытын бэйэҕитигэр ылынымаҥ.

ОХЧУТ

Уруккуттан билсиэххитин баҕарбыт киһигитин кытта алтыһыаххыт, онтон дуоһуйууну ылыаххыт. Ханна эрэ барыах-кэлиэх  санаа баһыйа тутуоҕа. Ол эрээри, тиэтэллээх быһаарыныылары ылынарга ыксаамаҥ. Барыта бэйэтин кэмигэр табыллыаҕа. Айылҕаҕа сынньаныҥ.

ЧУБУКУ

Кыраттан ньиэрбинэйдиэххит, хомойуоххут,  санааҕыт түһүөҕэ. Күүскүтүн-күдэххитин  туһата суохха бараамаҥ, туһалааҕынан дьарыктаныҥ. Эрдэттэн туох эмит ыарыылааххытын билэр буоллаххытына, эмтэниҥ, ыраатыннарымаҥ. Тус олоххутугар табыллыы, ситиһии күүтэр.

КҮРҮЛГЭН

Күрүлгэн бэлиэлээх дьон бу нэдиэлэҕэ  тугу толкуйдаабыккытын барытын судургутук олоххо киллэриэххит. Саҥа сиргэ  сылдьыаххыт, атын идэни баһылыаххыт,
дьону кытта билсиэххит. Наадалаах ааннар аһаҕастар. Дьыалабыай көрсүһүү күүтэр. Харчыны сэрэнэн туттуҥ, үпкүт, баайгыт-дуолгут туһунан дьоҥҥо ыһа-тоҕо кэпсээмэҥ.

БАЛЫКТАР

Ситиһиилээх буолар туһуттан олоххо көрүүгүтүн уларытыаххытын наада диэн сулустар сүбэлииллэр. Өйгүтүгэр оҥорон көрөр дьоҕургутунан дьону сөхтөрүөххүт, соһутуоххут, баары-баарынан ылыныҥ, «оруосабай ачыкыгытын» устуҥ. Ким эрэ эһиги тускутугар  олус кыһаллар, аттыгытыгар баар буола сатыыр эбит. Дьоҥҥо болҕомтолоохтук сыһыаннаһыҥ.

+1
0
+1
0
+1
0
+1
0
+1
0
+1
0
+1
0