Хой
Бу нэдиэлэҕэ хой бэлиэлээхтэри түбүк, үлэ, сүпсүлгэн күүтэр. Бириэмэҕитин сөпкө туһанарга кыһаллыҥ: чугас дьоҥҥутугар болҕомтоҕутун анааҥ, ыалдьыттааҥ, дьиэҕитин-уоккутун хомунуҥ. Аймахтаргытыгар көмөлөһүөххүт, өйөбүл-тирэх буолуоххут. Дьиэ боппуруостарынан дьарыктанарга тоҕоостоох кэм үүммүт эбит. Өрөмүөн, олорор сири уларытыы күүтэр.
Оҕус
Оҕустар бу нэдиэлэни күүскэ үлэлээн атаарыахтара. Дьон санаатыттан олус тутулуктанаргытын өйдүөххүт, онтон босхолоно сатыаххыт. Чугас дьоҥҥут, доҕотторгут үтүөнү баҕаран сүбэлииллэрин өйдөөҥ, үрдүттэн мөккүһүмэҥ, туораттан кэлэр көмөттөн аккаастанымаҥ. Нэдиэлэ ортото соһуччу сонуну истэн үөрүөххүт.
Игирэлэр
Дьону тылгытынан-өскүтүнэн, күүскүтүнэн-уоххутунан баһыйа тутар күҥҥүт-дьылгыт үүммүт. Бу күннэри таба туһанан, олоххутугар наадалаах дьыалалары ситиһиҥ. Холобура, докумуоннаргытын эккирэтиһиҥ, дьиэҕит иһигэр-таһыгар үлэлээҥ. Нэдиэлэ ортото айан суола күүтэр.
Араак
Бу нэдиэлэни тус бэйэҕит сайдыыгытыгар аныыргыт ордук буолсу диэн сулустар сүбэлииллэр. Ол курдук, сынньалаҥы кытта үлэни, айар дьоҕургутун кытта успуорду дьүөрэлии тутуоххут. Дьон тылыттан-өһүттэн сэрэниҥ, түөкүттэр угаайыларыгар киирэн биэримэҥ.
Хахай
Барыга сэрэхтээхтик сыһыаннаһыҥ, үгүс дьон эһигини күүстээх утарылаһааччы быһыытынан көрөр эбит. Бэл, соруйан мэһэйдэри оҥоро сатыыр дьон баар буолуон сөп эбит. Харчыгытын мээнэ матайдаамаҥ, улахан малы-салы атыылаһымаҥ. Сулумах хахайдары тапталга табыллыы күүтэр.
Кыыс
Бу нэдиэлэҕэ доруобуйаҕыт туругар болҕомтоҕутун ууруҥ. Ис уорганнаргыт ыалдьыахтарын сөп. Айан суолуттан сэрэхтээх буолуҥ. Үлэҕитигэр салайааччыгыт эһиги дьаныардаах үлэҕитин бэлиэтиэҕэ, дьон болҕомтотугар сылдьыаххыт.
Ыйааһын
Ким эрэ албыныгар киирэн биэриэххитин, чугастык саныы сылдьыбыт дьоҥҥут таҥнарыахтарын сөп. Бу нэдиэлэҕэ туруоруммут сыалларгытын ааһан иһэн ситиһиэххит, наадалаах ааннаргыт аһаҕастар. Онон хорсуннук улахан сыаллары туруорунуҥ, ситиһиилэр, кыайыылар күүтэллэр. Нэдиэлэ бүтүүтэ харчы кэлиэҕэ.
Скорпион
Урут тапсыбат, биир тылы булбат дьоҥҥутун кытта эйэлэһэр, эн-мин дэһэр күннэргит үүммүттэр. Дьону бэйэҕит тылгытыгар киллэрэр, кыайар-хотор дьоҕургут сайдыаҕа. Бу нэдиэлэҕэ улахан малы-салы атыылаһарга табыллыаххыт, улахан чэпчэтиигэ түбэһиэххит, биитэр билэр дьоҥҥут көмөлөһүөхтэрэ. Тапталга табыллыаххыт.
Охчут
Буола турар быһыыны-майгыны атын өртүттэн көрөҥҥүт балаһыанньаттан тахсыаххыт. Бэйэҕитигэр эрэллээх буолуугут үрдүөҕэ, үгүс үөрүүлээх сонуннары истиэххит. Түүлгүт туолуон сөп. Араас үгэстэргэ, сиэргэ-туомҥа итэҕэйиҥ. Чугас дьоҥҥутун кытта өйдөһүмүөххүтүн сөп, тыл-тылга киирсимэҥ.
Чубуку
Бу нэдиэлэ олус холкутук ааһыаҕа, барыта эһиги баҕаҕыт хоту буолуоҕа. Бэйэҕитин көҥүллүк сананыаххыт. Дьон эһигини хайдах көрүөн баҕарарын эрэ курдук сылдьымаҥ, бэйэҕит баҕаҕытынан таҥныҥ, сынньаныҥ, кэпсэтиҥ-ипсэтиҥ. Дьылҕаны уларытар көрсүһүү күүтэр эбит. Онон, этэргэ дылы, барытыгар бэлэм сылдьыҥ.
Күрүлгэн
Бэйэҕитигэр бүгэн сылдьымаҥ, арыллыҥ. Кыра аайыттан санааҕытын түһэримэҥ, кыйыттымаҥ. Кыһалҕаларгытын быһаарарга доҕотторгут, бииргэ үлэлиир дьоҥҥут көмө-тирэх буолуохтара. Аҕа саастаах аймаххыт үтүө сүбэтин истиҥ. Нэдиэлэ бүтүүтэ соһуччу сонуннары истиэххит. Тулуурдаах буолуҥ.
Балыктар
Куорат, киэҥ сир балысханнаах олоҕуттан сынньаныҥ, айылҕаҕа сылдьан күүс-уох ылынарга тоҕоостоох кэм үүммүтүн сулус-
тар бэлиэтииллэр. Ис санааҕыт тугу этэринэн олоруҥ. Дьиэни-уоту, массыынаны саҥардарга бэрт кэм кэлбит. Дьылҕа ыытар бэлиэлэригэр болҕомтолоох буолуҥ.