ХОЙ
Былааҥҥын, ыра санааҕын туора дьоҥҥо кэпсээмэ. Тугу сыыспыккын да этимэ. Ордук санааччылар бааллар. Тус олоххор үчүгэй өттүгэр уларыйыы күүтэр. Үп-харчы боппуруоһа үчүгэй.
ОҔУС
Түбүктээх нэдиэлэ. Соччо ахсарбат дьоҥҥун кытары кэпсэтии, көрсүһүү күүтэр. Онтон сылайбыт, күүһүҥ-уоҕуҥ бараммыт курдук буолуо. Өрүүр күҥҥүн бэйэҕэр анаа, дуоһуйа сынньан.
ИГИРЭЛЭР
Туораттан көмө кэтэһэн олорума. Үлэни-хамнаһы бэйэҥ саҕалаа. Ылсыбытыҥ оннун-сүнньүн булан иһиэ. Онуоха бириэмэҕин сөптөөхтүк аттар. Оччоҕуна ситиһиилэр тосхойо туруохтара.
АРААК
Атыыласпытыҥ өр сулууспалыа. Оттон туохха эмэ бэйэҥ баҕаҕынан үөрэнииҥ туһалаах буолуоҕа. Билиигин-көрүүгүн хаҥатынаргар үчүгэй кэм. Доруобуйаҕар болҕомтоҕун уур.
ХАХАЙ
Соһуччу көрсүһүү долгутуо. Бу күннэргэ төһө да соло-билэ суох курдук буолбутун иһин, чугас дьонуҥ туһунан умнума. Өрөбүллэргин кинилэри кытары атаар. Түүлгэр болҕомтоҕун
уур.
КЫЫС
Үлэ-хамнас этэҥҥэ. Харчы да боппуруоһа куһаҕана суох. Ылсыбытыҥ табыллан үөрдүө. Бу күннэргэ суолга-иискэ сэрэхтээх буолар ордук. Оттон сэрээккэ доруобуйаҕар туһалаах буолуо.
ЫЙААҺЫН
Бу күннэргэ элбэх киһи тоҕуоруһар сиригэр сылдьа сатаама. Иирсээнтэн, мөккүөртэн туора тутун. Ыраахтан ыалдьыт кэлиэ эбэтэр кэһии тутуоҥ. Өрөбүллэргин дьиэҕэр чугас дьоҥҥун кытта атаар.
СКОРПИОН
Сулумах сылдьааччылары истиҥ көрсүһүүлэргэ ыҥырыахтарын сөп. Аккаастанымаҥ. Олоххут суолун уларыта тутуоххутун сөп. Элбэх кэлииттэн-барыыттан улаханнык сэргэхсийиэххит.
ОХЧУТ
Үлэҕитигэр болҕомтолоох буолуҥ. Элбэх наадалаах иһитиннэриилэри мүччү тутумаҥ. Саҥа билсиһиилэр баар буолуохтара. Ол үлэҕитигэр кэлин туһалаах буолан туруо.
ЧУБУКУ
Бу күннэргэ дьиэҕитигэруоккутугар, чугас дьоҥҥутугар болҕомтоҕутун ууруҥ. Ымсыырбыккытын атыылаһа сүүрэртэн тохтоон эриҥ. Сулумахтары истиҥ көрсүһүүлэр, сэһэргэһиилэр күүтэллэр.
КҮРҮЛГЭН
Былааҥҥытын, баҕа санааҕытын толорорго тоҕоостоох күннэр-дьыллар. Ылсыбыккыт ыпсан, туппуккут табыллан үөрдүө. Ол эрээри, ордук санааччылартан сэрэниҥ. Ис
санааҕытын кэпсээмэҥ.
БАЛЫК
Айан, барыы-кэлии ситиһиилэри аҕалар күннэрэ үүммүттэр. Сыалгытын-соруккутун ситиһиэххитин баҕарар буоллаххытына, ыксаамаҥ. Сыта-тура сыымайдааҥ. Дьоҥҥо болҕомтолоох буолуҥ