Гороскоп

Нэдиэлэтээҕи гороскоп: Алтынньы 14-21 күннэрэ

ХОЙ

Кыстыкка киирии үтүө эрэ өттүнэн дьа­йыыһык. Быйыл хаһааҥҥытааҕар да элбэх хаһаастааххын, үп-харчы да сөбүгэр баар. Сырдыкка, үтүөҕэ талаһыыҥ ситиһиилээх буолуоҕа. Эбии саҥа билии ыларга дьулуһуоҥ, онуоха кылгас болдьохтоох куурустар көмөлөһүөхтэрэ.

ОҔУС

Дьиэ ис-тас үлэтигэр сөптөөх кэм. Дьиэҕэ сөптөөх мал-сал атыылаһыаххын, өрөмүөн оҥостуоххун сөп. Сыаллаах-соруктаах сытыы-хотуу доҕотторуҥ нэдиэлэ бүтүүтэ саҥа бырайыакка кытыннарыахтарын сөп. Онно ылсарга бэлэм буол.

ИГИРЭЛЭР

Олоххор саҥа түһүмэх үүммүт. Бу түһүмэх салгыы сайдаргар, талааҥҥын арыйаргар үктэл буолуоҕа. Онон саҥа этии киирдэҕинэ уһуннук толкуйдаабакка сып-сап хамсанан иһэриҥ наада. Биисинэскэ ситиһиилэх кэм.

АРААК

Бу күннэргэ кыаллыбаты олоххо киллэрэ сатыыр курдуккун. Өскөтүн кирэдьиит ылар кыаллыбат буоллаҕына, ити санааҕын тохтото түс. Ол кэриэтин дьиэ тулатынааҕы кыра кыһалҕаларгын быһааран нэдиэлэ бүтүүтэ санааҥ көтөҕүллүө.

ХАХАЙ

Элбэх дьонноох-сэргэлээх сиртэн арыый тэ­йиччи туттан, арыый бүгэр, сынньанар кэм үүммүт. Айылҕалыын алтыһыы, дьиэ кэргэни кытта сынньаныы дорубуйаҕар үтүө өттүнэн
дьайыаҕа. Саҥа успуорт көрүҥүнэн үлүһүйүөҥ.

КЫЫС

Санааҕын кыраттан түһэрэр эбиккин. Чугас дьонуҥ эн тускар кыһаналлар, өйүүргэ бэлэмнэр. Бэйэ бодотун тардынан, сэмэйдик сылдьар кэм. Баҕа санааларыҥ кэмигэр туолуохтара диэн сулустар кэпсииллэр.

ЫЙААҺЫН

Саҥа толкуйуҥ ситиһиилээх буолуоҕа. Харса суох хамсанарга, саҥаны саҕалыырга күүстэ-уохта ылын. Чугас дьонуҥ, доҕотторуҥ өйөбүллэрэ тирэх буолуоҕа.

СКОРПИОН

Тууйуллубут санааҕын чугас дьоҥҥун кытта аһаҕастык кэпсэтэ үөрэн. Эн ис санааҕын сатаан аһаҕастык кэпсээбэккэ эрэйдэнэр эбиккин. Бу күннэргэ түһээбит түүллэриҥ иччилээх буолуохтара.

ОХЧУТ

Эн тускунан соччото суох хоп-сип тарҕаныан сөп. Эйиэхэ ордук санааччы элбэх эбит. Урукку, хойукку доҕоттор күөрэс гыныахтара. Көмөлөһөргө да бэлэмнэр баар буолуохтара. Онон олох салҕанар диэн санаалаах кыстыгы көрсөр ордук.

ЧУБУКУ

Сөптөөхтүк сынньаммыккын. Онон саҥалыы күүһүнэн үлэҕэ оройгунан түһүүһүккүн. Саҥа мал-сал атыылаһан эбэтэр дьиэ өрөмүөннээн санааҥ көтөҕүллүө. Хопко-сипкэ киирэн биэримэ, судургутук сырыттаххына, барыта этэҥҥэ буолуоҕа.

КҮРҮЛГЭН

Үп-харчы оҥорон дьиэ бүддьүөтүн бөҕөргөтөргө олус тоҕоостоох кэм. Эбии харчылаһар саҥа хайысхалар көстүөхтэрин сөп. Онон толкуйдуу олорбокко киирбит этиилэри
ылынар ордук. Ол эрээри дьону кытта сыһыаннаһыыга болҕомтолоох буол, ситэ билбэт дьоҥҥор аһары эрэнимэ, угаайыга киирэн биэриэххин сөп.

БАЛЫКТАР

Үлэҕэр-хамнаскар тохтобул кэмэ. Балачча олоххо уопуттаах курдук сананаҕын. Ол эрээри албыҥҥа киирэн биэрэр сэрэх баар. Ордук хоһу саҥаран дьон тылыгар киирэн биэриэххин сөп. Саамай сүрүнэ дьиэ кэргэниҥ, оҕолоруҥ буолаллар, онон хопко-сипкэ кыттыһыма.

1
0