ХОЙ
Доруобуйаҕын көрүнэ сылдьыбытыҥ ордук. Бу нэдиэлэ сонунунан толору буолуо. Бииргэ үлэлиир, алтыһар дьонуҥ сонун этиини киллэриэхтэрэ. Санаабыккар ылсан, холонон көрөргөр табыгастаах күннэр.
ОҔУС
Дьиэ кэргэҥҥэр барыта этэҥҥэ. Кылаабынайа эн чугас дьоҥҥун өйөө, тирэх буол. Үп-харчы дьыалата куһаҕана суох. Ол эрээри, харчыгын барыырга тиэтэйимэ. Иэс эмиэ биэримэ.
ИГИРЭЛЭР
Бу күннэр көрсүһүүлэринэн толорулар. Ыраахтан ыалдьыт кэлиэн сөп, эбэтэр сонун истиэҥ. Дьон-сэргэ тугу этэрин, сүбэлиирин өйдөөн иһит. Ол хаһан баҕарар эйиэхэ туһалаах буолуоҕа.
АРААК
Бу нэдиэлэҕэ бэрт элбэҕи ситиһиэҥ, түбүккүн-садьыккын үмүрүтүөҥ. Ол гынан баран, сынньанан ылар туһунан умнума. Доруобуйаҕар болҕомтолоохтук сыһыаннас. Сибиэһэй салгыҥҥа сырыт.
ХАХАЙ
Чугас дьонуҥ эн болҕомтоҕор наадыйалларын умнума. Үлэҕин, сорудаҕы эмиэ хаалларыма, хаһааныма. Кэмигэр толорон истэххинэ, хардалаах буолуоҕа. Сотору кэминэн бириэмийэ, бэлэх тутуоххун сөп.
КЫЫС
Нэдиэлэ сонунунан, көрсүһүүнэн, билсиһиинэн толору. Бу үлэҕэр, дьиэ кэргэҥҥэр барытыгар сыһыаннаах. Чугас дьоҥҥун кытары сыһыаныҥ хаһааҥҥытааҕар да тупсуо.
ЫЙААҺЫН
Туохтан да уолуһуйбат буоларга кыһалын. Кыыһырдаххына, күүһүҥ-уоҕуҥ, сэниэҥ-онооҥ наһаа бараммыт курдук буолуоҕа. Ол доруобуйаҕар дьайыан сөп. Нэдиэлэ бүтүүтэ астына-дуоһуйа сынньанарыҥ наада.
СКОРПИОН
Салалтаҥ тугу этэрин өйдөөн истэ сырыт. Ол гынан баран, түүннэри-күннэри онон олор диэн буолбатах. Сынньалаҥа суох сырыттаххына, доруобуйаҥ улаханнык айгырыа. Сибиэһэй салгыҥҥа сырыт, уоскуй.
ОХЧУТ
Туохха барытыгар толкуйдаан көрөрүҥ ирдэнэр. Сирэйгэр үчүгэй буола сылдьан, бүдүрүтүөн баҕалаахтар бааллар. Дьиэҕэр-уоккар болҕомтоҕун уур. Чугас дьонуҥ тугу этэллэрин иһит, ылын.
ЧУБУКУ
Ханна да болҕомтоҕун эрэйэр нэдиэлэ үүммүт. Үлэҕэр элбэх түбүк-садьык үөскүө. Төһө да быыс-арыт кэмчитийбитин иһин, тус олоҕуҥ, доруобуйаҥ туһунан умнума.
КҮРҮЛГЭН
Нэдиэлэ билсиһиинэн толору. Үлэҕэр да түбүк-садьык элбииһи. Сорудаҕы хаһааммакка бүтэрэн испитиҥ ордук буолуо диэн сулустар сүбэлииллэр. Ити
дьиэҕэр-уоккар үлэни кытары эмиэ сибээстээх.
БАЛЫКТАР
Дьоһун кэпсэтиини нэдиэлэ иккис аҥаарыгар көһөрөрүҥ ордук. Ыраахтан кэһии тутуоҥ, сонун истиэҥ. Оттон өрөбүл күнү тус бэйэҕэр аныырыҥ ордук. Туохха барытыгар киэҥ көҕүстэн.