(Олунньу 24 — кулун тутар 3 күннэрэ)
ХОЙ
Бу нэдиэлэҕэ эн этиилэргин тулалыыр дьонуҥ ылынар. Нэдиэлэ ортото саҥа бырайыак көмүскээн хайҕаныаххын сөп. Дьиэ кэргэҥҥэр барыта этэҥҥэ, арай төрөппүттэргэр, аҕам саастаах аймахтаргар болҕомто уурарга кыһалын.
ОҔУС
Дьиэҕэр-уоккар күннээҕи кыһалҕаттан ураты улахан уларыйыы суох. Үлэҕэр эбии дохуот булунар кыах үөскүө. Ол эрээри былааннаргын ыһа-тоҕо кэпсээмэ, саҥа үчүгэй толкуйуҥ ситиһиини аҕалыаҕа. Хоптон-сиптэн сэрэхтээх буол. Аҕам саастаах доҕотторуҥ сүбэлэриҥ истэриҥ наада.
ИГИРЭЛЭР
Эн тугу оҥорбутуҥ, саҕалаабытыҥ барыта ситиһиилээх буолсу. Нэдиэлэ саҥата олоҕуҥ аргыһын сүбэтин иһит, уһун болдьохтоох кирэдьииккэ киирэр наадата суох. Ол эрээри уруккуттан санаа ымыыта оҥостубут былааҥҥын олоххо киллэрэ сатаа.
АРААК
Бу күннэргэ бэрт өрө көтөҕүллүүлээхтик сылдьыыһыккын. Бырааһынньыкка сылдьан дуоһуйуоҥ, саҥа дьоннуун билсиһиэҥ. Бэйэҕэр эрэлиҥ улаатыа. Онон хорсуннук саҥа былааннары толкуйдуоххун сөп.
ХАХАЙ
Үлэҕэр-хамнаскар, дьыалаҕар-куолугар кэтэмэҕэйдээһин, саарбахтааһын баар буолсу. Ис санааҕын истэ сатаа, кини эйигин хаһан да түһэн биэрбэт. Дьону кытта уопсай тылы буларга дьулус.
КЫЫС
Интэриэһинэй кэм саҕаламмыт. Уустуктар бааллар эрээри, олус судургутук быһаарыллан иһиэхтэрэ. Онтон санааҥ көтөҕүллүө. Нэдиэлэ ортото соһуччу айанныаххын сөп. Бу айан тус олоххор, үлэҕэр ситиһиини тосхойуо.
ЫЙААҺЫН
Бу нэдиэлэ устата сылайбыккытын билиэххит. Ол эрээри оҕолор ситиһиилэрэ үөрдүөҕэ. Саҥа этиилэр киириэхтэрэ, сөптөөх быһаарыныы ылынарга чугас дьонуҥ сүбэлэрэ көмө буолуоҕа.
СКОРПИОН
Айаҥҥа тоҕоостоох кэм тосхойбут. Ол эрээри аны дьиэ кэргэниҥ, чугас доҕотторуҥ эйигиттэн болҕомто ирдээн туруохтара. Үлэҕэр-хамнаскар номнуо хал буолан хаалбыккын. Бу солумсах майгыгын дьон сатаан ылынымыан сөп.
ОХЧУТ
Саҥа билсиһиилэр, үгүс элбэх көрсүһүүлэр олоххор бииртэн биир үөрүүлээх түгэннэри бэлэхтиэхтэрэ. Соһуччу латарыайаҕа улахан бирииһи сүүйүөххүн сөп эбэтэр бэлэх тутан долгуйуоҥ.
ЧУБУКУ
Бу нэдиэлэҕэ саҥа былааннаргын олоххо киллэрэргэ кыһалын. Бу тус олоххор сыһыаннаах дьыалалар, көрсүһүүлэр кэлин соһуччу үгүс үөрүүнэн тосхойуохтарын сөп. Үлэҕэр болҕомтолоох буол, хопко-сипкэ киирэн биэрэр куттал баар.
КҮРҮЛГЭН
Дьонтон кэлэйиэххин, хомойуоххун сөп. Ити сүрүн төрүөтэ бэйэҕэр баар, эн дьонтон аһары элбэҕи күүтэр, эрэйэр буолаҥҥын, кыраны даҕаны олус чугастык ылынаҕын. Аһаҕастык кэпсэппит барыта доҕор буолбатаҕын өйдүүр кэмиҥ кэлбит.
БАЛЫКТАР
Бу нэдиэлэҕэ элбэх улахан кыһалҕаны быһаарар кыахтааххын. Нэдиэлэ устата сэниэлээхтик, үөрэ-көтө сылдьыаҥ. Саҥа саҕалааһыннар ситиһиилээхтэр. Ыалдьыттыы барыаххын сөп. Айаҥҥа, успуордунан дьарыктанарга үтүө кэм.