Нэдиэлэтээҕи гороскоп

Бөлөххө киир:

Нэдиэлэтээҕи гороскоп ( ахсынньы 2-9 күннэрэ)

Хой
Тугу да уһата-кэҥэтэ сылдьымаҥ, нэдиэлэ бастакы аҥаара арыый чэпчэкитик ааһыаҕа. Оттон иккис аҥаара уустуктардаах буолсу. Ол иһин, сүрүн уонна үгүс сыраны эрэйэр дьыалалары сэрэдэҕэ диэри ситэрэ сатааҥ. Кимиэхэ да эрэммэккэ, кыһалҕаны бэйэҕит быһаарарга кыһаллыҥ. Нэдиэлэ иккис аҥаарыгар дьиэ-уот кыһалҕата былааҥҥытын ыһыан сөп.

Оҕус
Нэдиэлэ саҥата олус туһалаахтык саҕаланыыһы, күүскүт-уоххут да баһаам. Барытыгар да ылсарга бэлэмҥит. Онноҕор ону-маны быһаара сатаабат да дьон, бу кэмҥэ эрэллээхтик уонна түргэнник хамсанарга бэлэмнэр. Ситиһии түргэн уонна хорсун дьоҥҥо кэлэр диэн санааны тутуһуоххут.

Игирэлэр
Игирэ бэлиэтигэр төрөөбүттэр бэйэҕитин харгыстыыр мөкү санаалартан босхолонуоххутун наада. Оҥорон көрө-көрө кыраттан да санааргыыгыт. Настарыанньаҕытын түһэрэр дьону кытта алтыһартан тутттунуҥ. Уһун-киэҥ былааны бу нэдиэлэҕэ оҥостумаҥ, күннээҕинэн кыраттан үөрэ-көтө сылдьыҥ.

Араак
Бу нэдилэҕэ доруобуйаҕытыгар болҕомтото ууруҥ. Ол эрээри туохпут эрэ ыалдьар эбит диэн санааҕытын түһэримэҥ. Эрдэттэн сэрэтэр үлэни оҥордоххо, доруобуйа тулуктаһар кыахтаах. Дьиэ кэргэҥҥитигэр арыый болҕомтолоох буолуҥ. Эһиги дьиэ иһинээҕи уопсай настарыанньаны оҥороҕут.

Хахай
Олоххо суолун сулустар буолбакка, эһиги сөптөөх толкуйгут уонна олоҕу ылынар санааҕыт оҥорор. Үлэҕэ-хамнаска кыра уустуктартан санааҕытын түһэрбэккэ үлэлээбиккит курдук үлэлээҥ. Урут сүтэрбит малгыт көстүөн сөп. Нэдиэлэ ортото үлэҕэ сыһыаннаах этии киириэн сөп.

Кыыс
Бу нэдиэлэҕэ санааҕыт көтөҕүллүүһү. Туруоруммут сыалгытын стиһэргэ түүннэри-күнүстэри үлэлииргэ бэлэмҥит. Дьону кытта уопсай тылы булар дьоҕургут бу сырыыга эмиэ көмөлөһүөҕэ. Дьон эһигини ылынар уонна сөбүлүүр.

Ыйааһын
Тулалыыр эйгэҕэр буолар быһыыны-майгыны уларытыаххын сөп. Саҥа дьарыгы булбуттар астыныаххыт, дуоһуйуоххут. Бу нэдиэлэҕэ туһалаах кэпсэтиилэр буолуохтара, ол эрээри ситиһии аттыгар сэргэстэһэ да сырыттар, быһымах быһыыттан-майгыттан туттунарыҥ наада.

Скорпион
Куһаҕан санаалаах дьонтон тэйэ тутун. Итинтэн сылтаан биисинэскитигэр, үлэҕитигэр харгыстар үөскүөхтэрин сөп. Санааҕытын сааһыланан, үлэҕитин аттарынан сырыттаххытына, нэдиэлэ этэҥҥэ ааһыаҕа.

Охчут
Саҥа саҕалааһыннарга ситиһии күүтэр. Ханнык баҕарар дьыалаҕа ылсыаххытын сөп. Ситиһиилээх нэдиэлэ. Дьоҥҥо урут көмөлөспүккүт үтүөнэн эргиллиэҕэ. Дьоҥҥо көмөлөһөртөн аккаастанымаҥ.

Чубуку
Улахан эппиэтинсэтээх нэдиэлэ күүтэр. Арыый тулуурдаах буоллаххытына уруккуттан санаабыт соруккутун ситиһиэххитин сөп. Докумуону толорууга, кирэдьииккэ киириигэ табыгастаах кэмнэр.

Күрүлгэн
Бу нэдиэлэҕэ күрүлгэннэр сүрүн өстөөхтөрө — санаа түһүүтэ уонна сүрэҕэ суох буолуу. Ол эрээри, нэдиэлэ ортото дьиэ кэргэн кыһалҕатыттан сылтаан элбэхтик сүүрүөҥ-көтүөҥ, түбүгүрүөҥ.

Балыктар
Бу нэдиэлэҕэ күүстээх санааланнаххытына, дьаһаллаах буоллаххытына, элбэҕи ситиһиэххит. Күннээҕи үлэ-хамнас, дьиэ-уот кыһалҕата да баар буолуо. Сөбүлээбэт дьоҥҥутун кытта кэпсэтэртэн туттунуҥ. Онто да суох бу нэдиэлэҕэ элбэх күүс-уох бараныан сөп.

+1
0
+1
0
+1
0
+1
0
+1
0
+1
0
+1
0