Алтынньы 21-28 күннэрэ
Хой
Бу нэдиэлэ уустук соҕустук ааһыаҕа. Доруобуйаҕын көрдөрүнэргэр сөп буолбут. Үлэҕэ баттатан бэйэҥ тускунан умна быһыытыйбыккын. Ис уорганнарыҥ кэлиҥҥи кэмҥэ наһаа моһуоктууллар эбит, эрдэттэн эмтэнэриҥ наада.
Оҕус
Тус олоххор уларыйыы суох. Биисинэс, үлэ тахсыыта суох. Кимтэн да бу күннэргэ иэс харчы ылбатыҥ ордук, ааҕан-ссуоттаан бэйэҥ үпкүн ый бүтүөр диэри тиэрдиэххин наада. Саҥа саҕахтар нэдиэлэ ортотуттан арыллыахтара.
Игирэлэр
Олоххор сүрүн суолтаны ылар билсиһии эбэтэр дуоһунастаах киһини кытта кэпсэтии күүтэр. Ити кэпсэтиигэ санааҕын сайа этэргэ, бэйэҥ хайдах бааргынан сылдьарга кыһан. Үп-харчы дьыалатыгар саҥа дуогабар түһэрсэртэн туттунарыҥ ордук.
Араак
Улахан эппиэтинэстээх, сылаалаах нэдиэлэ. Ол эрээри бу нэдиэлэ үлэҕинэн үрдүүргэр кэлин көмөлөһүөҕэ. Дьиэ кэргэҥҥэр сыһыан эриэ-дэхси, оҕолор ситиһиилэрэ үөрдэр.
Хахай
Тууйуллубут санааҕын дьоҥҥо аһаҕастык тиэрдибэккиттэн ардыгар ыгыллар эбиккин. Дьону кытта уопсай тылы буларга аҥардас бэйэҥ эрэ санааҕынан салайтарыма, дьиэ кэргэҥҥэр баар аҕам саастаах киһи сүбэтин иһит.
Кыыс
Атыыга-эргиэҥҥэ сыһыаннаах кыыс бэлиэлээхтэргэ ситиһиилээх кэм. Бэйэ дьыалатын аһар туһунан толкуйуҥ саҥа дьону кытта билсиһиигэ тиэрдиэ. Бу билсиһиилэр кэлин олус туһалаах буолуохтара.
Ыйааһын
Эбии саҥаны билиэххин-көрүөххүн, сайдыаххын баҕараҕын. Ыраах куоракка анал кууруска суруттарыаххын эбэтэр тус бэйэ сөбүлүүр дьарыгар ылсыаххын сөп. Саҥа ылсыбыт дьыалаҥ үбү-харчыны кытта сыһыаннаах буолуоҕа.
Скорпион
Чугс дьоҥҥор олус ыгымсыйар, ардыгар балачча кыыһырар буолбуккун. Бу эн буола турар быһыыны-майгыны сатаан уларыппаккыттан тахсар. Ол эрээри туохха да ыксаабакка, холкутук барытын быһаарар кыахтааххын. Санааҕын ууруоххун наада.
Охчут
Үлэҕэ үтүрүйтэрии, дьиэ үлэтэ ис эйгэҕин ардыгар ыһар. Онтон сылтаан доруобуйаҕар да оҕустарыах курдуккун. Быыс булан сынньана сатаа. Табыллар буоллаҕына аҕыйах да хонукка сынньана түһэриҥ уолдьаспыт.
Чубуку
Бу нэдиэлэ устата күргүөмнээх үлэ буолуоҕа. Чугас дьоҥҥор болҕомто уураргын ааһан дьиэҕэр да көстөрүҥ аччыаҕа. Ол эрээри, ый бүтүүтэ оҥорбут үлэҥ түмүгэ санааҕын кынаттыа.
Күрүлгэн
Ыраах айаҥҥа турунартан туттунарыҥ наада. Дьаҥ-дьаһах буулуон сөп. Ол кэриэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.
Балыктар
Дьон угаайытыгар киирэн биэриэххин сөп. Ол-бу реклама, биллэрии аайы болҕомтоҕун уурума. Тиэхинньикэҕэ сыһыаннаах балыктар суолга сэрэхтээх буоларгыт наада. Дьиэ кэргэҥҥитигэр нэдиэлэ ортотуттан балаһыанньа холкутуо.