Гороскоп

НЭДИЭЛЭТЭЭҔИ ГОРОСКОП: балаҕан ыйын 29 — алтынньы 6 күннэрэ

Хой
Тус бэйэҥ санааҕын наһаа өрө тутар эбиккин. Арыый бэйэ бодотун тардына соҕус сырыттаххына, дьон да сыһыана уларыйыаҕа. Биисинэс эйгэтигэр ситиһии кэлиэн сөп. тугу эмит атыылыаххын баҕарар буоллаххына, табыллар күннэриҥ.

Оҕус
Тиэхиньикэҕэ сыһыаннаах оҕустар бу нэдиэлэ устата массыынаҕытын оҥостуоххутун сөп. Тимир көлөҕүтүн үчүгэйдик көрүммэтэххитинэ, кэлин эбии ночоокко киириэххитин сөп. Айылҕаҕа сылдьарга соччото суох кэм, дабылыанньаҕыт хамсыан сөп.

Игирэлэр
Олоҕу уустурдубакка сып-сап хамсанар үтүө өрүккүт бу да сырыыга көмөлөөх буолуоҕа. Дьон эһиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настырыанньаҕытын тупсарыаҕа.

Араак
Дьиэ туттарга, өрөмүөн ыытарга тоҕоостоох кэм. Санаабыккыт сатанар. Ол эрээри харчыгытын арыый кэмчилээн туттаргыт наада. Ыраах айан кэтэһэр. Бу күннэргэ кэпсэтии ыытарга табыллыаххыт.

Хахай
Үлэҕэр-хамнаскар кылгас тохтобул буолбут. Тохтуу түһэн санааны сааһылыырга уолдьаспыт. Хопко-сипкэ киирбэт курдук харыстана сырыт. Айылҕаҕа тахсан сынньаныаххын, чуумпуга сылдьыаххын баҕараҕын. Ол эрээри бу быстах кэмнээҕи уустуктар сотору ааһыахтара.

Кыыс
Доруобуйаҕар болҕомтолоох буол. Санааны түһэрбэккэ саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар. Ымсыырбыт таҥаскын-сапкын, малгын атыылаһан санааҥ көтөҕүллүө.

Ыйааһын
Дьиэҕэ олорууттан, күннээҕи кыһалҕаҕа үтүрүйтэрэн айар дууһалаах ыйааһыннар муунтуйаллар. Чугас дьоҥҥут өйөбүллэрин билбэт курдуккут. Ол эрээри, сотору кэминэн үчүгэй сонуну истэн үөрүөххүт. Тус биисинэскэ ситиһиилээх кэм.

Скорпион
Дьиэ ис-тас үлэтэ күүтэн турбат. Эһиги наһаа бытааннык барытын быһаараргытыттан чугас дьоҥҥут эмсэҕэлииллэр. Саҥа билсиһии үп-харчы өттүгэр ситиһиини аҕалыаҕа. Успуордунан дьарыктаныы доруобуйаҕытын бөҕөргөтүө.

Охчут
Уустук кэм. Дьону кытта тыл-тылга киирсимиэххин сөп. Арыый бэйэни туттуна, көрүнэ сырыт. Харчыга да ыктарбыккын. Барытын быраҕан ыраах ханна эрэ барыах санааҥ кэлэр. Оҕолор кыһалҕаларыттан санаарҕыыгын. Санааттан-онооттон босхолонон доҕоттору кытта көрсөн сэргэхсийэр наада буолбут.

Чубуку
Дьон эйигин сөбүлүүр, эйиэхэ тардыһар. Санааҕын утары, аһаҕастык этэргэ үөрэн. Кэскиллээх кэпсэтии күүтэр. Дьон саҥатын аһары чугастык ылыммакка, кытаанахтык сылдьарга үөрэн. Дуоһу

Күрүлгэн
Ыраах айаҥҥа турунартан туттунарыҥ наада. Дьаҥ-дьаһах буулуон сөп. Ол кэриэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.

Балыктар
Ньиргиэрдээх үлэ. Түбүктээх күннэр үүммүттэр. Нэдиэлэ ортото сэргэх тэрээһиҥҥэ сылдьыаххын баҕарыаҥ, онно сыдьан уһуннук көрсүбэтэх билэр дьоҥҥун көрсөн бэркэ астыныаҥ. Киһи олоҕо санаатыттан турар эбит диэн итэҕэйиэҥ.

 

1
0