Гороскоп

НЭДИЭЛЭТЭЭҔИ ГОРОСКОП

Балаҕан ыйын 9-16 күннэрэ

ХОЙ.

Былааҥҥын олоххо киллэрэргэ дьулус. Туораттан көмөлөһө кэлэллэрин күүтүмэ. Доруобуйаҕар болҕомтоҕун уур. Сибиэһэй салгыннаах сиргэ сырыт.

ОҔУС
Үлэҕэр болҕомтолоох буол. Сорудаҕы хаһааныма. Түбүгүҥ олус элбиэ. Дьиэҕэр-уоккар, чугас дьоҥҥор болҕомтоҕун уур. Өрөмүөнүнэн дьарыктаныыҥ, дьиэ ис бараанын улартыыҥ саҥа сүүрээни киллэриэ.

ИГИРЭЛЭР

Элбэх киһи тоҕуоруһар сиригэр  сылдьа сатаама. Дьону-сэргэни кытары иирсимэ. Эн тускунан хобу-сиби тарҕатыахтарын сөп. Өрөбүллэргин чугас дьоҥҥун кытары атаар.

АРААК
Ыраах айанныыргын тохтото түс. Саҥа  билсиһии, сэһэргэһии тус бэйэҕэр элбэҕи, туһалааҕы биэриэ. Дьиэҕэр-уоккар уларыйыы суох, дьиэ иһинээҕи сыһыан истиҥ.

ХАХАЙ
Бу күннэргэ элбэх көрсүһүү күүтэр. Ыраахтан ыалдьыт кэлиэҕэ. Оттон дьыалабыай кэпсэтиини кэлэр нэдиэлэҕэ көһөрөрүҥ ордук. Сөптөөх хамсаныы, сибиэһэй салгын наадатын умнума.

КЫЫС
Чугас дьонуҥ болҕомтоҕор, көмөҕөр наадыйалларын умнума. Сынньалаҥҥын туһалаахтык атаарарга дьулус. Дьиэҕэр-уоккар элбэҕи ситиһиэҥ. Ыраахтан ыалдьыттар, доҕоттор кэлиэхтэрин сөп.

ЫЙААҺЫН
Доруобуйаҥ этэҥҥэ. Онуоха сэниэ-оноо да баар, улааппыт курдук. Сорудаҕы да, үлэҕин-хамнаскын да кэмигэр ситэрэн, бүтэрэн-оһорон иһиэҥ.

СКОРПИОН
Иирсээнтэн тэйиччи тутун. Бириэмэҕин халтайга ыытыма. Чугас дьонуҥ эн болҕомтоҕор наадыйаллар. Өрөбүллэргин кинилэри кытары атаарарга кыһалын.

ОХЧУТ
Үлэ-хамнас, түбүк-садьык элбиэҕэ. Сарсыҥҥыга диэн хаалларыма, хаһаас оҥостума. Ханна да хойутаабакка сылдьарга кыһалын. Үтүө сонун санааҕын кынаттыа.

ЧУБУКУ
Дьиэҕэр-уоккар наадалааҕы атыыласпытыҥ барыгытын үөрдүө. Үлэҕэр-хамнаскар уларыйыы суох. Бу күннэргэ соһуччу көрсүһүү күүтэр.

КҮРҮЛГЭН
Түбүк-садьык элбиир күннэрэ. Үлэҕэ тута ылсан, бүтэрэн-оһорон испитиҥ ордук буолуоҕа. Бу күннэргэ харчы, кэһии тутуоҥ.

БАЛЫКТАР
Түүлгэр болҕомтоҕун уур. Ол гынан баран, мээнэ кэпсээмэ. Сэрэйэн көрөр дьоҕуруҥ күүһүрбүт. Бу күннэргэ ыраахтан ыалдьыт кэлиэ. Истиҥ кэпсэтии күүтэр.

 

1
0