Гороскоп

Нэдиэлэтээҕи гороскоп (балаҕан ыйын 2-9 күннэрэ)

(Балаҕан ыйын 2-9 күннэрэ)

Хой

Бу күннэргэ үлэҕэр хойутаабат буоларга кыһалын. Уопсайынан, бэйэ бодоҕун өрө тардынарыҥ наада буолбут. Эрдэ утуй, эрдэ тур. Дьыалабыай көрсүһүүнү, кэпсэтиини тохтотон эрэриҥ ордук.

Оҕус

Дьону-сэргэни кытары ханна да уопсай тылы буларга кыһалын. Тыл бырахса, иирсэ сатаама. Доруобуйаҕар болҕомтоҕун уур. Бириэмэҕин сөптөөхтүк аттардаххына, элбэҕи ситиһиэҥ.

Игирэлэр

Төһө да солото суох буолбутуҥ иһин, дьиэ кэргэниҥ, оҕоҥ, чугас дьонуҥ эн болҕомтоҕор наадыйалларын умнума. Үпкүн-харчыгын солуута суохха бараама. Бу күннэргэ үөрүүлээх сонуну истиэҥ.

Араак

Үлэҕэр-хамнаскар, дьиэҕэр-уоккар барыта этэҥҥэ. Дьиэҥ ис бараанын уларыта тутууҥ эбэтэр өрөмүөнүҥ табыллыа. Бу күннэргэ ыраахтан кэһии эбэтэр бириэмийэ тутуоҥ.

Хахай

Элбэх киһи тоҕуоруһар сиригэр бу күннэргэ сылдьа сатаама. Тылгын-өскүн көрүнэн саҥар. Дьону алҕас өһүргэтиэххин сөп. Түүлгэр болҕомтоҕун уур. Сөптөөх хамсаныы доруобуйаҕар улаханнык туһалыа.

Кыыс

Доҕотторгун-атастаргын көрсүөҥ. Ол гынан баран, саҥа билсиһииттэн туттунарыҥ ордук. Өрөбүллэргин чугас дьоҥҥун кытары атаар. Дьиэҕэр наадалааҕы атыыласпытыҥ өр сулууспалыа.

Ыйааһын

Бу күннэр көрсүһүүнэн толорулар. Сэһэргэһииттэн сонун санаа үөскүө. Оттон үөрэппитиҥ тус бэйэҕэр улахан көмөлөөх буолуоҕа. Сулумах сылдьааччылар олохторун аргыһын көрсүөхтэрин сөп.

Скорпион

Былааҥҥын, ис санааҕын дьоҥҥо мээнэ кэпсээмэ. Баҕа санааҥ туолуо суоҕа. Бу күннэргэ соһуччу көрсүһүү күүтэр. Оттон ыраах айаны тохтото түһэриҥ ордук. Доруобуйаҕар болҕомтоҕун уур.

Охчут

Үлэлиэх-хамсыах, айыах-тутуох баҕаҥ күүһүрэр. Онуоха барыта табыллан, санааҥ хоту салаллан иһиэ. Төһө да күүс-уох үөһээттэн кутуллан киирбитин иһин, өрөбүлгэр сынньанарыҥ ордук.

Чубуку

Бириэмэҕин сөптөөхтүк аттарынарга кыһалын. Сорудаҕы сарсыҥҥыга хаһааныма, кэмигэр оҥорон иһэриҥ ордук буолуо. Салалтаҥ ону бэлиэтиэҕэ. Бу күннэргэ ыраахтан ыалдьыт кэлиэн сөп.

Күрүлгэн

Үтүөкэн күннэр-дьыллар үүммүттэр. Олус холкутуйбакка үлэни-хамнаһы сөптөөх кэмигэр үмүрүтэн ис. Барыта кыаллыа, санааҥ хоту салаллыа. Ылсыбыккын ыпсаран истэххинэ, ситиһии күүтэр.

Балыктар

Түбүк-садьык хаһааҥҥытааҕар да элбиэҕэ. Кыыһырбакка, кыйахаммакка ылсан, үлэлэһэн истэххинэ, сотору кэминэн үөрүүлээх сонуну истиэҥ, бэлэх тутуоҥ. Истиҥ көрсүһүүттэн кынаттаныаҥ.

 

2
0