ХОЙ
Үлэҕэр-хамнаскар саҥа этиилэр киириэхтэрэ. Ким да сүбэтин ылымматыҥ, барытын бэйэҥ сыта-тура толкуйдаан баран быһаарыныы ылынарыҥ ордук. Саҥа олоҕу саҕалыыргар тоҕоостоох буолуо.
ОҔУС
От-мас үлэтин, сир аһын кыайан бу күннэргэ санааҥ көтөҕүллэ сылдьар. Ылсыбыт дьыалаҥ ситиһиилэниэ. Чугас аймахтаргын кытта биисинэс эйгэтигэр өйөһүөххүтүн сөп.
ИГИРЭЛЭР
Дьон саҥатын-иҥэтин аһары чугастык ылынаҕын. Онуоха ардыгар сүбэлиир-амалыыр киһи суоҕа уйадытар. Наһаа кыраттан тымтан кыыһырар буолбуккун. Ити барыта доруобуйаҕар охсуон сөп.
АРААК
Долгутуулаах көрсүһүү, саҥа билсиһии кэмэ. Ыраах айаҥҥа турунуу, бииргэ сылдьааһын сыһыаҥҥытын өссө тупсарыа. Дьиэ кыһалҕатыгар үтүрүйтэрбэккэ иннин диэки баран ис.
ХАХАЙ
Урут ситиһиини аҕалбыт саҥа бырайыактарыҥ эбэтэр биисинэскэ сыһыаннаах дьыалаларыҥ үтүө көрдөрүүлээх буолуохтара. Саҥа суолу тобуларгар табыгастаах кэм.
КЫЫС
Саҥа мал-сал эбэтэр дьиэ, массыына атыылаһыаххын сөп. Мантан санааҥ көнньүөрүө. Докумуон оҥорсууга болҕомтолоох буол.
ЫЙААҺЫН
Ыраах айаҥҥа турунуу табыллыаҕа. Уруккуттан ыра санаа оҥостубут санааҕын толорон тыынан да эрдиниэҕиҥ, байдаарканан да устуоҕуҥ. Айылҕалыын алтыһан санаалыын кэҥиэҕиҥ.
СКОРПИОН
Айар талаанын арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа.
ОХЧУТ
Эппит тылгар ардыгар турбаккаҕын дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.
ЧУБУКУ
Дьону кытта сыһыаннаһыыга арыый туттуна соҕус сырыт. Эн көнө майгыгын туһана сатааччы онто да суох элбэх. Ис кыаххын сатаан туһаммакка ардыгар муунтуйаҕын.
КҮРҮЛГЭН
Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар.
БАЛЫКТАР
Саҥа мал атыылаһыаҥ. Үгүс доҕоттор, дьүөгэлэр онно-манна кучуйуохтара. Онно киирэн биэрбэт гына сырыт. Аһыы утаҕы иһэн сыыһа-халты ону-маны саҥарыаххын сөп.