ХОЙ
Бу нэдиэлэҕэ тапталга табыллыы күүтэр. Соҕотох сылдьар хойдор аналларын көрсүөхтэрэ. Оттон үлэҕэ-хамнаска соччото суох күннэр үүммүттэр. Үлэҕэ араас алҕастары оҥоруоххутун сөп.
ОҔУС
Тус олоххутугар ыарахаттар үөскүөхтэрин сөп. Онон бэлэм сылдьыҥ. Үп-харчы өттүгэр эмиэ балаһыанньа улаханнык үөрдүбэт. Ол оннугар ырааҕы-киэҥи толкуйдааҥ, инники олоххутун былааннааҥ. Олус интэриэһинэй бырайыактар олоххор киириэхтэрин сөп.
ИГИРЭЛЭР
Саҥа билсиһиилэр күүтэллэр. Оҕо сааскытын санаан элбэхтик үөрүөххүт-көтүөххүт. Уопсайынан, бэһиэлэй күннэр үүммүттэр. Дууһалыын сынньаныаххыт.
АРААК
Ыарахан нэдиэлэ үүммүт. Эмоцияҕытын таска таһаарбакка, искитигэр тутуҥ. Бэйэҕитин туттуммат түгэҥҥитигэр улахан иирсээҥҥэ киириэххитин сөп. Өйдөө, этиһии, айдаарсыы хаһан даҕаны баҕарар үчүгэйгэ тириэрдибэт.
ХАХАЙ
Тапталлаахтары олус истиҥ нэдиэлэ күүтэр. Айар үлэнэн дьарыктанар дьоҥҥо тоҕоостоох кэм кэлбит. Уопсайынан бу нэдиэлэ бэһиэлэйдик ааһыаҕа.
КЫЫС
Кэскиллээх бырайыактары, инники олоххутун толкуйдааҥ. Ыксаан, тиэтэйэн оҥорбут дьыалаҥ сатаныа суоҕун сөп.
ЫЙААҺЫН
Саҥа интэриэһинэй дьону кытары билсиэххитин сөп. Бу нэдиэлэҕэ туоххут барыта сатаныаҕа. Маны таһынан, тапталга эмиэ табыллыы күүтэр.
СКОРПИОН
Тапталлааххытын кытары айдаарсыаххытын сөп. Онон сэрэхтээх буолуҥ. Сыһыаҥҥытын харыстыы үөрэниҥ. Кыраттан кыыһырымаҥ.
ОХЧУТ
Хаһааҥҥытааҕар даҕаны бэһиэлэй нэдиэлэ үүммүт. Барытыгар табыллыы күүтэр. Соҕотох сылдьар охчуттар тапталлаахтарын көрсүөхтэрин сөп.
ЧУБУКУ
Элбэх дьыалаҕа аралдьыйбакка, санааҕытын-онооҕутун биир дьыалаҕа ууруҥ. Оччотугар эрэ барыта санаабыккыт хоту буолуоҕа.
КҮРҮЛГЭН
Үпкэ-харчыга болҕомтолоох буолуҥ. Барыстаах хантараакка илии баттаһыаххытын биитэр харчылаах үлэҕэ киириэххитин сөп. Кылаабынайа, барытын суоттаныҥ, үчүгэйдик толкуйдааҥ.
БАЛЫКТАР
Атын дьоҥҥо сэлээннээбэккэ, үлэҕитин бэйэҕит оҥоруҥ. Оччоҕуна ситиһиилээх буолуоххут. Маны таһынан, хас да үлэнэн тэҥҥэ дьарыктанымаҥ