Доруобуйа Уопсастыба

Нэдиэлэҕэ хас күн үөрэнэбит?

Уһук Хотугу сир регионнарын оскуолаларыгар субуота күн үөрэҕи тохтотон, биэс күннээх үөрэх тиһигин киллэрэр туһунан дьүүллэһиигэ Саха сирэ кытынна.

edersaas.ru

Ыҥырыыга Арассыыйа (сүрүннээн Сибиир уонна Уһук Илиҥҥи регионнар) 35 тыһыынчаттан тахса олохтооҕо илии баттаата. Ыҥырыы РФ Президенэ Владимир Путиҥҥа ыытыллыахтаах.

Ыҥырыыга:

«…. Оҕолор оскуолаҕа үөрэниилэрэ – син биир улахан дьон үлэтин тэҥэ. Онон, үөрэнээччилэр, РФ улахан дьонун курдук, сынньанар бырааптаахтар. Уһук Хотугу сир усулуобуйатыгар алта күннээх үөрэх биһиги оҕолорбут доруобуйаларыгар улаханнык дьайар. Оҕолорбут нэдиэлэҕэ алта күн эрдэ тураллар, хабыс-хараҥаҕа оскуолаҕа бараллар, онтон биир өрөбүллэригэр бэнидиэнньиктээҕи уруоктарыгар бэлэмнэнэллэр. Оҕолорго салгыҥҥа сылдьар бириэмэ тиийбэт. Ол иһин, хоту дойду оҕолоро куруук муннулара тымырар, күн сардаҥата тиийбэтэ сүрэх-тымыр үлэтигэр, эндокриннай систиэмэҕэ, ыарыыны утары охсуһар күүскэ, ньиэрбэ систиэмэтигэр куһаҕаннык дьайар. Организмҥа саамай наадалаах D битэмиин тиийбэт…», – диэн этиллэр.

Манна даҕатан эттэххэ, быйыл оскуолаҕа нэдиэлэ хас күнүгэр үөрэниэххэ сөбүн үөрэх кыһата бэйэтэ быһаарар бырааптаах.

Надежда ЕГОРОВА, «Саха сирэ» хаһыат, edersaas.ru

5
0
Telegram Whatsapp

Добавить комментарий