Санитарнай-эпидемиологическай быраабыланы төһө тутуһалларын бэрэбиэркэлээн, нэдиэлэ устатыгар өрөспүүбүлүкэҕэ барыта 443 рейдэ оҥоһулунна.
От йын 19-25 күннэригэр барыта 443 рейдэ оҥоһуллубут. Ол курдук, хонтуруоллуур тэрээһиннэр Алдан, Үөһээ Халыма, Мииринэй, Мэҥэ Хаҥалас, Нам, Өймөкөөн, Сунтаар, Таатта, Томпо, Уус Маайа оройуоннарыгар, Жатайга уонна Дьокуускайга ыытыллыбыттар. Көрүү кэнниттэн барыта үс акт, административнай кэһии туһунан аҕыс боротокуол толоруллубут, 196 профилактическай бэсиэдэ оҥоһуллубут.
Ол иһигэр административнай хамыыһыйа, Дьокуускай куорат суһал ыстаабын түмүллүбүт бөлөҕө, СӨ Урбаан министиэристибэтэ 221 атыы-тутуу, 37 аһыыр сир, 25 өҥөнү оҥорор эбийиэккэ уопсайа 283 бэрэбиэркэни ыыппыттар. Түмүккэ хамыыһыйа көрүүтүнэн үс акт, административнай кэһиигэ аҕыс боротокуол толоруллубут, 84 өйдөтөр-сэрэтэр бэсиэдэ оҥоһуллубут.
2020 сыл от ыйын 31 күнүгэр тахсыбыт 248 №-дээх «О государственном контроле (надзоре) и муниципальном контроле в Российской Федерации» ФС 2021 сыл от ыйын 1 күнүттэн күүһүгэр киирбитэ. Хонтуруол саҥа бэрээдэгэ олохтонорунан сибээстээн, Роспотребнадзор Саха сиринээҕи управлениета хонтуруоллуур тэрээһиннэри тохтото түспүт. 2021 сыл от ыйын 25 күнүнээҕи туругунан, куттала суох зонаны тэрийии ирдэбиллэригэр сөп түбэһиннэрэн үлэлии турар организациялар уонна ИП реестрдэригэр 23 тэрилтэ киирбитэ бэлиэтэнэр.
+1
+1
+1
+1
+1
+1
+1