Култуура Маны аах

Нэдиэлэ ахсын кэнсиэр бэртээхэйин бэлэхтииллэр

А.Е.Кулаковскай аатынан норуоттар доҕордоһууларын дьиэтэ уонна музыканнар дьиэлэрэ тыыннаах музыканы сөбүлээччилэргэ анаан кэнсиэр оҥордулар.  «Macintosh», «Cadance», «Odinokie Reki», «Highcripts», «That’s Dope», «Forra», «Elements of dast» бөлөхтөр кытыннылар. Кинилэр бары музыканнар дьиэлэриттэн үүнэн-сайдан тахсыбыттар. Бу туһунан А.Е.Кулаковскай аатынан норуоттар доҕордоһууларын дьиэтин пресс-сулууспата иһитиннэрэр.

Музыканнар дьиэлэрэ 2018 сылтан үлэлиир. Манна гитараҕа, бас-гитараҕа, ударнайга, фортепианоҕа оонньуу, ыллыы үөрэнэллэр.  Тыһыынчаттан тахса саҥа саҕалыыр уонна уопуттаах музыканнар үөрэммиттэр, 200-тэн тахса ВИА тэриллибит. Кинилэр билигин бэйэлэрэ ырыа айаллар, Дьокуускайга кэнсиэртэргэ кытталлар.

Манна мустубут дьон бэртээхэй музыканы истибиттэр, ону таһынан, ыйытыыларга сөптөөх хоруйдары биэрбиттэр киинэҕэ билиэттэри туппуттар. Холобур, “Nirvana”  бөлөх биир саамай биллэр “Smells like a teen spirit” ырыата хаһан тахсыбытай диэн ыйытыыга хоруйдаа Маны таһынан, бэйэ оҥоһуга бэртээхэй киэргэллэри, сувенирдары бэлэх тутан үөрбүттэр.

Киһи маннык сэргэхсийэр тэрээһиниттэн ким туора туруой? Дьон-сэргэ салгыы К.Маркс искибиэригэр “051”, «Macintosh», “Тыас-уус”, “Happy chuck”, “103” кыттар кэнсиэрдэригэр үөрэ-көтө мустубуттар.

Санатан эттэххэ, А.Е.Кулаковскай аатынан норуоттар доҕордоһууларын дьиэтэ “Арт атриум” былаһааккатыгар сэргэх тэрээһиннэр ыытыллаллар. Хас чэппиэр, бээтинсэ ахсын манна 17.00 чаастан дьон-сэргэ буор-босхо кэнсиэр көрөр, үҥкүүлүүллэр, араас көрдөөх оонньууларга кытталлар, быыстапкаларга сылдьаллар.

 

 

1
0
Telegram Whatsapp