Бэҕэһээ, балаҕан ыйын 17 күнүгэр, Ил Дархан Айсен Николаевка өрөспүүбүлүкэ нэһилиэнньэлээх пууннарын социальнай гаастааһын боппуруоһунан мунньах буолла.
Айсен Николаев РФ Бэрэсидьиэнэ Владимир Путин сорудаҕынан дойдуга социальнай гаастааһын үлэтэ көхтөөхтүк саҕаламмытын туһунан иһитиннэрдэ. Бу боппуруоска Саха сиригэр нэһилиэнньэлээх пууннарга урукку өттүгэр күөх төлөнү киллэрии өрөспүүбүлүкэ күүһүнэн ыытыллыбыта бэлиэтэннэ.
Саха сиригэр социальнай гаастааһын бырайыага 5,4 млрд. солк. сыаналанар. Бырайыагы олоххо киллэрэр сыалтан, СӨ Ил Дарханын дьаһалынан, быйыл от ыйын бүтүүтүгэр СӨ Бырабыыталыстыбатын бэрэссэдээтэлэ Андрей Тарасенко салайааччылаах эрэгийиэннээҕи ыстаап тэриллибитэ. Эрэгийиэннээҕи оператор — «Сахатранснефтегаз» АУо.
Эппиэтинэстээх сирэйдэр мунньахха быһаарыыны ирдиир боппуруостары чуолкайдаатылар.
Айсен Николаев улахан сыалы-соругу олоххо киллэрэргэ, ол иһигэр РФ Бырабыыталыстыбатын уонна «Газпрому» кытары хардарыта сибээстээх үлэҕэ үрдүк эппиэтинэстээхтик сыһыаннаһарга ыҥырда. Ил Дархан ылыныллыбыт былааннар толоруллуохтаахтарын тоһоҕолоон эттэ.
Андрей Сорокин (СИА) хаартыскаҕа түһэриилэрэ
+1
+1
+1
+1
+1
+1
+1