Былырыын РФ Бэрэсидьиэнин сорудаҕынан баһаартан куттала суох буолуу миэрэлэрин уонна ойуур уотун умулларыыга федеральнай бүддьүөт үбэ улааппыта. Онон элбэх үп-харчы көрүллэн үгүс үлэ ыытыллан, билиҥҥитэ толору бэлэм олоробут диэн вице-премьер Дмитрий Садовников суһал ыстаап мунньаҕын кэмигэр иһитиннэрдэ.
«Билигин кылаабынайа миэстэтигэр туруоруллубут соруктар туолууларын бэрэбиэркэлиир үлэни күүһүрдүөххэ наада», — диэн Садовников эбэн эттэ.
Өрөспүүбүлүкэтээҕи инфокоммуникационнай технология киинэ бэрэбиэркэтин түмүгүнэн, ойуур баһаара туруон сөптөөх зонатыгар киирэр 282 нэһилиэнньэлээх пууҥҥа 329 сэрэтэр комплекс туруоруллубут. Мантан 290 үлэлиир. Уоннааҕыларын чугастааҕы кэмҥэ оҥоруохтаахтар.
Маны таһынан инновация министиэристибэтин кытары антеннай-мачтовай сооружениелары тутууга үлэ ыытыллыахтаах.
edersaas.ru
+1
+1
+1
+1
+1
+1
+1