Дойду бырабыыталыстыбатын саайтыгар коронавирус дьаҥа тарҕаныытынан сибээстээн, нэһилиэнньэҕэ уонна урбаанньыттарга көрүллэр көмө туһунан анал сервис үлэтин саҕалаата.
edersaas.ru
Анал сервис Арассыыйа бырабыыталыстыбатын саайтыгар http://government.ru/support_measures/ баар. Манна 80-ча араас көмө бөлөхтөрүнэн наарданан толору суруллар. Хас биирдии көмө оҥоһуллар болдьоҕо, ирдэниллэр докумуона, тустаах биэдэмистибэлэрин саайтара сиһилии ыйыллар.
Холобур, Дьарыктах буолуу киинигэр ыраахтан учуокка турарга «Зарегистрироваться на trudvsem.ru» диэн саайтка киирэн, салгыы тугу киллэрэр барыта сиһилии суруллар.
Бу анал сервискэ нэһилиэнньэҕэ оҥоһуллар көмө таһынан коронавирус дьаҥа тарҕаныытын утары ыытыллар үлэ уонна дойду суһал ыстаабын отчуота тахсыаҕа.
Ньургуйаана Иванова, “Саха сирэ” хаһыат, edersaas.ru
Хаартыска www.sakha.gov.ru
+1
+1
+1
+1
+1
+1
+1