Ахсынньы 15-17 күннэригэр «Дохсун» спортивнай комплекска «Наслег» бырайыак» уопсастыбыннай тэрилтэ бирииһигэр нэһилиэктэринэн хапсаҕай күрэхтэһиитэ буолуоҕа. Манна спорт маастардара, улуус кииннэриттэн уонна куораттан кыттыбаттар. Нэһилиэктэр хамаанда хомуйан кыттыахтара. Хамаандаҕа 9 бөҕөс киирэр: 6 эр дьон (55, 62, 70, 80, 90 уонна 90 кг үөһээ ыйааһыннаахтар) икки 1979 с.т эбэтэр аҕа саастаах эр дьон (70 кг уонна 70 кг үөһээ ыйааһыннаахтар) уонна 1 оҕо (65 киилэҕэ диэри ыйааһыннаах). 5 бөҕөстөөх кыттар көҥүллэнэр. Ол эрээри, ыйааһыҥҥа бөҕөс суоҕа тута кыайтарыыннан ааҕыллар. Хамаандаттан — 10 000 солк. усунуос. Күрэхтэһиини «Саха сирэ» хаһыат эрдээктэрин солбуйааччы, спортивнай суруналыыс Николай Бястинов сырдатыаҕа уонна иилээн-саҕалаан ыытыаҕа.
Сайаапка ахсынньы 13 күнүгэр диэри «Наслег» бырайыак» уопсастыбыннай тэрилтэ hapsagai-nasleg2017@mail.ru почтатыгар ыытыаххытын сөп. Билсэр төл.: 8964-427-74-45 (Лев Новгородов) и 8914-100-33-80 (Софрон Попов). Күндү ааҕаччы, хамаанда хомуйан күрэхтэһиигэ кыттан й сыаналаах бириистэ сүүй.
Николай Попов, «Саха сирэ» хаһыат, edersaas.ru