Маны аах Уопсастыба

Нэһилиэги ыраастааһын аахсыйатын — чэппиэр аайы

Быйыл, ыам ыйын 20 күнүгэр, Уус Маайа улууһа 90 сыллаах үбүлүөйүн бэлиэтээтэ. Бу суолталаах үбүлүөйүнэн сибээстээн, Эдьээн нэһилиэгин олохтоохторо чэппиэр аайы «Ыраас нэһилиэк» диэн аахсыйаҕа кытталлар. 

Ол курдук, нэһилиэк дьаһалтата, орто оскуола кэлэктиибэ, «Геван» култуура киинэ, ДЭС, үүт сыаҕын кэлэктииптэрэ аахсыйаҕа өрүү көхтөөхтүк кытталлар. Маны таһынан, үбүлүөй чэрчитинэн үгүс тэрээһиннэр, онлайн күрэхтэһиилэр тиһигин быспакка ыытыллаллар. Тэрээһиннэри олохтоох дьаһалта баһылыга Анастасия Адамова сатабыллаахтык тэрийэн ыытар.

«Нэһилиэкпит ырааһа бэйэбититтэн тутулуктаах буолан, биир күннээх дуу, нэдиэлээх дуу үлэ буолбатах. Ырааһырдыыга бары интэриэстээхпит», — диэн бэлиэтиир Эдьээнтэн уопсастыбаннай кэрэспэдьиэммит Ирина Винокурова.

Елена ПОТОЦКАЯ Саха сирэ хаһыат, edersaas.ru

0
0