Өлүөхүмэ улууһун баһылыга Николай Харбин нэһилиэнньэҕэ отчуотугар Оройуоннааҕы киин балыыһа кылаабынай бырааһа Марфа Бурцева уонна кини солбуйааччылара кытыннылар
edersaas.ru
Быйыл доруобуйа харыстабылын кыһалҕалаах боппуруостара, урукку сылларга тэҥнээтэххэ, арыый аҕыйаабыттар. Өскөтүн урут нэһилиэнньэ быраастар уонна биэлсэрдэр тиийбэттэриттэн долгуйар буоллаҕына, бу боппуруос быһаарылынна”, — диэтэ Марфа Николаевна.
Нэһилиэнньэ ону таһынан бытархай эргиэҥҥэ эмтэри нэрээттиир туочукалар үлэлэрэ тупсубутун бэлиэтээтэ.
Ол эрээри, сытыы кыһалҕалар билигин да бааллар. Холобур, Дьэлгиэй, Даппарай уонна Маача курдук нэһилиэктэри тырааныспарынан хааччыйыы боппуруоһа турда. Бу нэһилиэктэр суоппардара сарбыйыыга түбэспиттэр, тырааныспардар 100 бырыһыан эргэрбиттэр.
“Биһиги эһиги кыһалҕаларгытын истэргэ уонна нэһилиэнньэҕэ көмөлөһөргө куруук бэлэммит. Бүгүҥҥү көрсүһүүгэ иһиллибит итэҕэстэри туоратарга уонна киирбит этиилэри олоххо киллэрэргэ былаан ылылынна. Көрсүһүү түмүгэ нэһилиэнньэ эмчиттэр үлэлэриттэн астынарын көрдөрдө. Нэһилиэнньэ сыанабыла – үрдүк наҕараада! Тус бэйэм биир идэлээхтэрбэр бэйэлэрин харыстаммат үлэлэрин иһин махталбын тириэрдэбин. Хонууга биир киһи буойун буолбат, ол оннугар түмсүүлээх, күүстээх кэлэктиип мэлдьи үчүгэй түмүктэри биэрэр”, — диэтэ Марфа Бурцева.
Надежда ЕГОРОВА, “Саха сирэ”, edersaas.ru