«Навахту14.рф» бырайыак көмөтүнэн 3000-тан тахса киһи үлэҕэ киирэргэ бэлэм.
Бу дьонтон 80% производственнай эбийиэктэргэ, ол иһигэр баахтанан үлэҕэ үөрүйэхтээхтэр. Бу туһунан Минпромгеология пресс-сулууспатыгар «ПРОконсолидация – Якутия» офис салайааччыта Пётр Чехордун иһитиннэрбит.
«Навахту14.рф» бырайыак бөдөҥ бырамыысыланнай бырайыактарга олохтоох нэһилиэнньэни тардыыга эрэллээх, кэскиллээх барыйаан буоларын көрдөрдө. Бу үлэ салҕанара хайаан да наада. Көмөҕө наадыйбыт дьоҥҥо, ордук аҕа саастаахтарга, профессиональнай карьераларын саҥа саҕалааччыларга, хас биирдиилэрин кыһалҕатыгар киирэн өйдүөххэ, быһаарсыахха«, — диэн СӨ Бырамыысыланнас уонна геология миниистирэ Максим Терещенко бэлиэтиир.
Эбэн эттэххэ, бырайыагы тэрийээччилэр дааннайдар баазаларын 6 000 киһиэхэ диэри тиэрдэр соруктаахтар. Маныаха кинилэр улуустар баһылыктарын кытары ыкса сибээс олохтонуута оруоллааҕын уонна бырайыак хабыыта кэҥээбитин бэлиэтииллэр.
Санатан эттэххэ, маннык ньыманан тэрээһин (проектнай офис) 2020 сыл сэтинньи 25 күнүттэн саҕаламмыта, сүрүн уратытынан — бырамыысыланнай хампаанньалар ирдэбиллэригэр тирэҕирэн, собеседованиеҕа бэлэмнээһин, үөрэтии, эрдэттэн бэрэбиэркэлээһин, хандьытааттары талыы буолар.
Сайаапканы биэрэргэ электроннай анкета формата судургутутуллубут. Сайаапканы биэрэргэ 5-7 мүнүүтэ ирдэнэр. www.навахту14.рф киирэн көрүҥ.
+1
+1
+1
+1
+1
+1
+1