Наука академиятын бэрэсидьиэнэ Василий Филиппов олохтон туораата
Бүгүн, ыам ыйын 31 күнүгэр, техническэй наукалар доктора, профессор, Ил Түмэн иккис уонна үһүс ыҥырыылаах мунньаҕын дьокутаата, Арассыыйа наукаларын академиятын кэрэспэдьиэн-чилиэнэ, СӨ Наукаҕа академиятын бэрэсидьиэнэ Василий Филиппов олохтон туораата. Биллэринэн, кини ааспыт нэдиэлэҕэ сүрэҕэр эпэрээссийэни ааспыт.
Василий Васильевич дьиэ кэргэнигэр, чугас дьонугар Ил Дархан Айсен Николаев кутурҕанын биллэрэр.
Василий Филиппов 1951 сыллаахха муус устар 1 күнүгэр Горнай Мытааҕар күн сирин көрбүт. 1973 сыллаахха Москватааҕы инженерно-строительнай институт промышленнай уонна гражданскай тутууга факультетын, салгыы аспирантураны бүтэрбит.
1973-1998 сыллларга СГУ-га үлэлээбит.
1997 сыллаахха Наука академиятын кэрэспэдьиэн-чилиэнинэн талыллыбыт.
1998-2003 сылларга СӨ Судаарыстыбаннай мунньаҕын палаататын бэрэссэдээтэлэ.
1993 сылтан — СӨ Наука академиятын чилиэнэ, 1994-2001, 2003-2008 сс — Наука академиятын бэрэсидьиэнэ.
2008-2011 сылларга — Арассыыйатааҕы Наука академиятын П.П.Ширшов аатынан Океанология институтун наукаҕа дириэктэри солбуйааччы.
2012 сылтан — «Федеральная сетевая компания Единой энергетической системы» бырабылыанньатын бэрэссэдээтэлин сүбэһитэ.
2019 сылга — СӨ Наука академиятын бэрэсидьиэнин э.т.
2020 сылтан — СӨ Наука академиятын бэрэсидьиэнэ.
148 научнай үлэ ааптара, ол иһигэр 8 монография, 3 учебник, 3 үөрэнэр пособие.