Сүрүн

Наукаҕа ситиһиилээх устудьуоннарга — үрдэтиллибит истипиэндьийэ

Хотугулуу-Илиҥҥи федеральнай университет управлениета үрдэтиллибит истипиэньдийэҕэ докумуон хомуйарын туһунан тустаах үөрэх кыһатын саайта суруйар. Истипиэньдийэ суумата 14040 солк. тэҥнэһэр үһү.

edersaas.ru


Научнай-чинчийэр үлэ иһин үрдэтиллибит судаарыстыбаннай академическай истипиэньдийэни бастакы сыл үөрэммит специалитет, бакалавриат, магистратура устудьуоннара ылыахтарын сөп. Итиниэхэ 2016 сыл алтынньы 2 күнүттэн бу сыл алтынньы 2 күнүгэр диэри ситиһиилэрэ учуоттанар эбит.

Манна даҕатан эттэххэ, Дьокуускайдааҕы Саха судаарыстыбаннай тыа хаһаайыстыбатын академиятыгар быйылгыттан Грант систиэмэтэ киирбитэ. Онно олоҕуран, наукаҕа ситиһиилээх устудьуоннарга академическай истипиэндьийэлэрин таһынан эбии 50 тыһ. солк көрүллэр эбит. Ити устудьуоннарга олус улахан көҕүлүүр күүс буолара саарбахтаммат.

Үөрэх кыһалара устудьуоннары наукаҕа ити курдук көҕүлүүллэрэ хайҕаныах эрэ тустаах. Оскуолаҕа үөрэнэр сылларыгар араас научнай-практическай кэмпириэнсийэлэргэ кыттар оҕолор, үөрэххэ киирдэхтэринэ чинчийиилэрин салгыылларыгар, анал хайа эрэ тиэмэҕэ чопчу ылсан үлэлииллэригэр кыах биэрэр.

 

Людмила ПОПОВА, “Саха сирэ” хаһыат, edersaas.ru

Андрей СОРОКИН (СИА)  хаартыскаҕа түһэриитэ.

 

0
0
Telegram @edersaas20

Добавить комментарий