Бу күннэргэ «Саха сирин киэн туттуута» норуот бириэмийэтин «Научнай диэйэтэл» тохсус номинациятыгар сайаапкалары хомуйуу салҕанар.
edersaas.ru
Ким интэриэситээх gordost-yakutii@mail.ru электроннай аадырыска бэйэҕит сайаапкаларгытын ыытыҥ.
«Научнай диэйэтэл» номинацияҕа куоластааһыҥҥа киирбит сайаапкалары салгыы билиһиннэрэбит.
Пётр Колосов , палеонтолог-учуонай, СО РАН алмаас уонна күндү таас геологияҕа институтун сотруднига, «2016 сыл учуонайа» научнай титул хаһаайына.
Дойдута: Ленский оройуонуттан төрүттээх. Сааһа: 81. Научнай үлэтин тиэмэтэ: палеонтология и стратиграфия.
1966-1977 сс. Саха сирин соҕурулуу-арҕаа докембрийскай эттиктэригэр Чаянда, Талакан курдук сирдэргэ нефть уонна гаас органическай эттиктэрэ баарын быһаарбыта. Ол түмүгэр 1989 сыллаахха Чаяндаҕа гаас хостуур сир арыллыбыта. Билигин Саха сирэ онтон биир млрд. солк тахса нолуогу хомуйар. «Өлүөнэ очуостара» Айылҕа паарката аан дойдутааҕы айылҕа харыстабылын конвенциятын VIII-с таһымыгар сылдьарын бигэргэппитэ. Ол түмүгэр паарка 2012 с. от ыйын 2 күнүгэр Аан дойдутааҕы ЮНЕСКО нэһилиэстибэтигэр киирбитэ.
«Динозаврдар уонна Саха ирин атын харамайдара» (2016) кинигэтэ ыччаты наукаҕа уһуйууга анаммыта. Кинигэ өрөспүүбүлүкэ 700 оскуолаҕа уонна 500 бибилэтиэкэтигэр тарҕаммыта. 5 киэҥ араҥаҕам анаммыт научнай кинигэ ааптара, 100 ыстатыйа уонна интервью дьоруойа. Суруналыыстар ыйытыктарын түмүгэр «2016 сыл учуонайа» бочуоттаах ааттаах.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын үлэлиир үгэннэригэр сырыттахтарына этэн үөрдүү.
Бэлиэтээн эттэххэ, «Саха сирин киэн туттуута» бырайыак Саха сирин судаарыстыбаннаһын күнүгэр биллэриллибитэ. Бырайыак генеральнай партнера — саха иһитин-хомуоһун пропагандалыыр «Көмүлүөк» фирма.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА саайтыттан